آنکھ کے معنی

 کہیں کس سے کہ ہیں تعبیر اک خواب مسرت کی یہ آنکھیں اشک ریز اپنی یہ دامن خونچکاں اپنا (١٩٢١ء، ضیائے سخن، ٦٤)

 دل چرایا ہے وہ اب آنکھ ملائیں کیونکر سامنے ہوتی ہے مشکل سے گنہگار کی آنکھ (١٨٧٨ء، گلزار داغ، ١٨٤)

"حاکم کے آنکھ نہیں ہوتی کان ہوتے ہیں۔" (١٨٩٥ء، فرہنگ آصفیہ، ٢٥٣:١)

 دبدبہ بھی ہے وہی طرز سخن بھی ہے وہی آنکھ بھی ہے وہی ابرو کی شکن بھی ہے وہی (١٩٦٣ء، مراثی نسیم، ١١:٣)

 سنی سنائی پہ ایقان واہ کیا کہنا بغیر آنکھ کے عینی گواہ کیا کہنا (١٩٥٦ء، اختر (سجاد علی خاں)، مسدس، ٨)

 صاحب کی آنکھ اب جو عروس اجل پہ ہے اپنی بھی آنکھ خالق عز و جل پہ ہے (١٩٢٥ء، جاوید (سید محمد کاظم)، مرثیہ، ١١)

 دم توڑتی ہوں پیاس سے تم پر اثر نہیں کل تک جو تھی وہ آنکھ نہیں وہ نظر نہیں (١٩٦٥ء، منظور رائے پوری، مرثیہ، ٧)

"اس کے خاوند کو جواہرات کی آنکھ تھی۔" (١٩٤٤ء، افسانچے، کیفی، ١٣٦)

"میں دعا دیتا ہوں کہ خدا پٹنہ والوں کو سمجھ اور آنکھ دے۔" (١٩٢٤ء، مکتوبات شاد عظیم آبادی، ١٩١)

 صحبت کا رقیبوں کی ہے ادنٰی یہ کرشمہ جو آنکھ سے فرماتے ہیں وہ دل میں نہیں ہے (١٩٣٦ء، غزل کوکب، ماہنامہ، مسافر، مراد آباد، جنوری، ٢٧)

 ہشیار اسیر آنکھ ہے تجکو جو سخن میں رکھتے ہیں وہ سر پر میرے دیوان کو ادب سے (١٨٨١ء، مسیو، امیراللغات، ٢١٠:١)

"قلم جب بناویں تو نیچے کی جانب اور اوپر کے حصّے کی جانب قریب قریب آنکھ چھوڑ دینی چاہیے۔" (١٩٠٣ء، باغبان، ١٩)

 لیا نہ دل مرا اک بوسے پر وہ یوں بولا ہماری آنکھ میں اتنے کا تو یہ مال نہیں (١٨٢٤ء، مصحفی، دیوان (ق)، ١٧٨)

"مجھے دونوں آنکھیں برابر ہیں جو بڑی کو دوں گی وہی چھوٹی کو دوں گی۔" (١٨٩٥ء، فرہنگ آصفیہ، ١٥٣:١)

 وہ تیغ تیز آبینہ پیکر پری نژاد قبضے کی آنکھ، فون کی سورت پہ حق کا صاد (١٩٦٢ء، ٦٢ء کے چند جدید مرثیے، ٧٨)

 وہ دائروں کی آنکھ نہیں وہ نظر نہیں فعلوں کا ہے یہ حال کہ اک حال پر نہیں (١٩١٢ء، شمیم، ریاض شمیم، ١٣١:٧)

"میری داہنی آنکھ میں پانی اتر آیا ہے۔" (١٩١٣ء، مکاتیب حالی، ٧٧)

"خوردبین کی آنکھ کے نیچے رکھ کر دیکھ سکتی ہے۔" (١٩٦٩ء، نفسیات اور ہماری زندگی، ١٧)

"مسافر کے لیے لازم ہے کہ سفر کے آداب سے واقف ہو، ایک خاص شریفانہ رفتار سے تجاوز نہ کرے، سرخ آنکھ نظر آئے تو رک جائے، سبز آنکھ نمودار ہو تو چل پڑے۔" (١٩٧٥ء، وزیر آغا، ماہنامہ، الشجاع، سالنامہ، کراچی، ٣٩)

"جنگل میں ایک درخت ہوتا ہے جس کو آنکھ یا آک کہتے ہیں، اس کے پھول بالکل آنکھوں کی شکل کے ہوتے ہیں۔" (١٩٥٥ء، حسن نظامی، پھول، ٢٤)