الجھنا کے معنی

"تم نے اپنے بال کیوں نہیں سلجھالیے، سب الجھے پڑے ہیں۔" (١٩٦١ء، ہالہ، اے آر خاتون، ٣١)

"اصطلاحات کا دامن . انتشار حال کے کانٹوں میں الجھ جاتا ہے۔" (١٩١٤ء، سیرۃ النبیۖ، ٥٥:٢)

"کشتی لڑنے لگا، یہ کب اس کو الجھنے دیتے ہیں کہ لمحے کے لمحے میں اس کو دے مارا۔" (١٩٠٢ء، آفتاب شجاعت،١، ١١٢٠)

 خود اپنی ریش میں الجھے ہوئے ہیں حضرت واعظ بھلا ان کو بتوں کے گیسوے پر خم سے کیا مطلب (١٩٢١ء، اکبر، دیوان، ١٢٤:١)

 خواب دیکھے ہیں تری زلف سیر کے بار ہا کیوں دل اختر نہ الجھے اس کی تعبیروں کے بیچ (١٨٦١ء، کلیات اختر (واجد علی شاہ)، ٣٣٧)

"حدیث میں ایک جگہ الجھے ہوئے تھے سید کاظم نے اس خوبصورتی سے سلجھایا کہ مان گئے۔" (١٩٣٠ء، حیات صالحہ، ١١١)

 خوش ہوا رہ کے میں غمیں نہ کہیں جی الجھتا رہا کہیں نہ کہیں (١٨٠٩ء، جرات دیوان، قلمی نسخہ، ١٥٤)

"الجھ جائے گا تو سلجھ جائے گا: شادی ہوئی تو خود بخود درست ہو جائے گا۔" (جامع اللغات، ٢٢٥:١)

 میرے پھندے میں ایک بھی نہ پھنسا پانچ بنو تھی جس چار الجھے (١٨٧٩ء، جان صاحب، دیوان، ٢١٢)

"کل ایک کاشتکار بھی اپنے پیشے سے الجھنے لگا۔" (١٩١٨ء، روح الاجتماع، ١٤٥)

 ظفر نے قصہ زلف دراز جاناں کو کیا بیان تو کیا کیا بیان میں الجھا (١٩٤٩ء، کلیات ظفر، ١٦:٢)

"داماں قانون تو جانتی نہیں خواہ مخواہ الجھتی ہیں۔" (١٩٣٦ء، پریم چند، واردات، ١)

 اچھوں سے الجھتے ہیں وہ اکثر جو برے ہیں اچھے تو بروں کی بھی شکایت نہیں کرتے (١٩١٥ء، کلام محروم، ١٢٧:١)

"اس قدر پیچیدہ . جملوں کے بھر مار ہوتی ہے کہ اصل مفہوم الجھ کر رہ جاتا ہے۔" (١٩٣٣ء، خطبات عبدالحق، ٢٠)

 الجھتے ہو تم اگر دیکھتے ہو آئینہ جو تم سے شہر میں ہوں ایک دو تو کیونکر ہو (١٨٦٩ء، غالب، دیوان، ١٩٧)