بگڑنا کے معنی

|رقص میں دو لڑاکا بہنوں کے تعلقات کا اظہار ہے جن کی کبھی بنتی کبھی بگڑ جاتی ہے۔" (١٩٢٢ء، انارکلی، ١٢٠)

 گیا نہ بعد فنا بھی بگاڑ قسمت کا کہ میری خاک سے بن کر سبو بگڑتا ہے (١٨٤٥ء، کلیات ظفر، ٢٠٣:١)

|کسی کام کے بگڑنے پر غصہ نہ فرمایا۔" (١٩٢٩ء، آمنہ کا لال، ١٠٩)

|تیرا کیا بگڑتا ہے تو مجھے سفر کی اجازت دے دے۔" (١٩٤٥ء، الف لیلہ و لیلہ، ٢٥:٦)

|افلاطون سے اور اس سے بگڑ گئی۔" (١٩٢٦ء، شرر، مضامین، ٥٢:٣)

 گھر کا نام خاک لوں بن کے یہ بگڑ چکا اس پہ اوس پڑ چکی مٹ چکا اجڑ چکا (١٩٢٥ء، عالم خیال، ٨)

|گلشن نے کہا بایاں کسی اور کو دو بایاں بجانے میں بگڑتی ہو۔" (١٨٩٣ء، طلسم ہوشربا، ٥٧٨:٦)

|دولت مند اکثر کامیابیوں سے بگڑ جاتے ہیں۔" (١٩٣١ء، رسوا، خونی راز، ٣)

 اچھے اچھوں کو بگڑتے ہوئے دیکھا ہم نے بادشاہوں کی بھی تقدیر بگڑ جاتی ہے (١٩٠١ء، راقم، کلیات، ٢٢٢)

 بگڑتی ہے جس وقت ظالم کی نیت نہیں کام آتی دلیل اور حجت (١٨٩٤ء، اردو کی دوسری، اسماعیل، ١٧)

|اگر غلاظت کثاقفت وغیرہ کا بندوبست ہو تو پانی بھی نہ بگڑے۔" (١٩١٠ء، راحت زمانی، ١١٩)

|لالہ صاحب نے اپنی بیوی سے ماش کی دال پکوائی دال بگڑ گئی۔" (١٩٢٥ء، لطائف عجیبہ، ٤٢:٣)

|مسلمان بگڑ گئے اور بگڑے جاتے ہیں۔" (١٩٠١ء، حیات جاوید، ١٧٤:١)

یہ مقدمہ گواہوں کے بگڑنے سے خراب ہوا ہے۔" (١٨٩٥ء، انشائے داغ، ٤٥)

|مولانا اپنی عادت کے موافق اس پر بہت بگڑے۔" (١٩٣٥ء، چند ہمعصر، ٧٩)

|یہ بنک بہت قدیم اور بڑا زبردست بنک تھا کاروبار بگڑ گیا۔" (١٩٢٤ء، انشائے بشیر، ٣٨)

|میر صاحب کچہری سے آئے ہیں، مقدمہ کہتے ہیں بگڑا جاتا ہے۔" (١٨٧٨ء، نوابی دربار، ٣٨)

|طبیب کو دکھایا تو اس نے کہا کہ چشم راست اس کی بگڑ گئی ہے۔" (١٩٠٥ء، لمعۃ الضیا، ١٤٦)

|وہ چار گھوڑوں کی گاڑی میں تنہا سوار تھے گھوڑے چمکے اور بگڑ کر دوڑے۔" (١٩٠٤ء، سوانح عمری ملکۂ وکٹوریہ، ٦٦٨)