دندانہ کے معنی

"ان کے علاوہ کچھ اور بھی آسی لیٹرز ہیں جن کی آوٹ پٹ سائن ویو نہیں ہوتی بلکہ آری کے دندانوں کی طرح یا مربع شکل کی ہوتی ہے۔" (١٩٨٠ء، ٹرانسسٹرز، ٢٣٦)

"ہر ایک قوی کا دل ہر ضعیف کی فریاگی سے مانند دندانۂ تشدید اندیشہ مند خراش تھا۔" (١٨٥٩ء، سروش سخن، ٧)

"جب مرکبات میں کئی داندانے متواتر لکھنا ہوں ایک بقلم خفی دوسرا بقلم جلی علٰی ھذا القیاس لکھنا چاہیے۔" (١٨٦٨ء، نظم پروہیں، ١٤)

"ہم نے دنیا کو کھدیڑ کے رکھ دیا ہے باریک باریک دندانوں والی کنگھی کے ساتھ۔" (١٩٨٦ء، فن اور فلسفہ، ٨٤)

 صاف ہے ہر گوہر دندان یار ہر در شہوار میں داندانہ ہے (١٨٦٧ء، رشک (نوراللغات))

"اس جزیرے کا ساحل کہیں بھی سیدھا نہیں بلکہ ہر جگہ اس میں کٹاؤ اور دندانے سے پڑے ہوئے ہیں۔" (١٩٢٤ء، جغرافیۂ عالم، ١٤:١)

"اس یونڈل کے اوپر پھیلا ہوا ایک سبز حصّہ ہوتا ہے جسے پتی یا علمی اصطلاح میں دندانہ (بلیڈ یا پیمانہ) (Lamina or Blade) کہتے ہیں۔" (١٩١٠ء، مبادی سائنس، ١٤٤)

"بالآخر انہیں دیوار برف میں ایک دندانہ مل گیا جو برف کے ایک ہموار میدان کی طرف کھلتا تھا۔" (١٩٥٨ء، قطبی بزمستان، ١٤٨)