رومانیت کے معنی
رومانیت کے معنی ، تشریح، مترادف اور تفصیل
{ رُو + ما + نِیَت }
تفصیلات
iانگریزی زبان سے ماخوذ اسم |رومان| کے آخر پر |یت| بطور لاحقہ کیفیت لگانے سے بنا (اردو کے قاعدے سے) اردو میں بطور اسم استعمال ہوتا ہے۔ تحریراً سب سے پہلے ١٩٨٥ء میں "اردو ادب کی تحریکیں" میں مستعمل ملتا ہے۔
["Romance "," رُومانِیَت"]
اسم
اسم کیفیت ( مؤنث - واحد )
رومانیت کے معنی
١ - یورپ کی ایک ادبی اور فنی تحریک یا اس کا اسلوب جس میں تخیل اور جذبات کا زور ہوتا ہے اور نفس مضمون کو ہئیت یا طرز ادا پر ترجیح دی جاتی ہے۔ (کلاسیکیت کی ضد)۔
"رومانیت کی ابتدا بالعموم ایک ایسے شخص سے منسوب ہوتی ہے جسکی ذہانت کو اس کے عہد نے تسلیم کرنے سے انکار کر دیا تھا۔" (١٩٨٥ء، اردو ادب کی تحریکیں، ١٠٣)
٢ - جذبات انگیز کیفیت، عشق انگیز حالت، عاشق مزاجی، تخیل پرستی۔
"وہ (نوبالغ) رومانیت اور جنسی معاملات میں دلچسپی لینے لگتا ہے۔" (١٩٦٩ء، نفسیات کی بنیادیں (ترجمہ)، ٩٢)