سربستہ کے معنی

سربستہ کے معنی ، تشریح، مترادف اور تفصیل

{ سَر + بَس + تَہ }

تفصیلات

صفت ذاتی ( واحد )

١ - بند، ناکشادہ، جو کھلا نہ ہو۔

"سربستہ نالی زدہ خلیوں سے بھری ہوتی ہے۔" (١٩٤٩ء، ابتدائی حیوانات، ٢٣٣)

٢ - چھپا ہوا، مخفی، پوشیدہ۔

"وہ نیاز کی شخصیت و فکر کے بہت سے سربستہ راز کھول سکتے ہیں۔" (١٩٦٣ء، نیاز فتح پوری، شخصیت اور فن، ٣٧)

٣ - جس کا مطلب یا غرض یا غورو فکر سمجھ میں نہ آئے، مغلق، دشوار (مضمون یا نکتہ وغیرہ)۔

"یہ تمام چیزیں ہمارے لیے ایک مضمون سربستہ کے مانند ہیں۔" (١٩٣٥ء، اصول تعلیم، ٣٧)

closed at the top or end; closedshut; coveredhiddensecret; inextricable; having the head covered or tied upwearing a turbanheap curses upon

وہاں تک رازِ سربستہ رہی‘ جب تک رہی دل میں
ذرا آئی زباں پر‘ اور کہاں تک بات جاپہنچی
کیا ہوا داغ محبت سے ہوا دل سر بمہر
یہ نہیں ممکن کہ میرا راز دل سربستہ ہو
لوگوں کی نبضیں توٹٹولو کچھ سربستہ راز تو کھولو
بولو بولو کچھ تو بولو آخر چپ کیوں ہوگئے ساتھی