فشاں کے معنی

تفصیلات

iفارسی زبان میں |فشاندن| مصدر سے مشتق صیغۂ امر ہے جو بطور صفت بھی استعمال ہوتا ہے اور تراکیب میں بطور لاحقہ فاعلی بھی۔ اردو میں سب سے پہلے تحریراً ١٧٨٨ء کو "جہاں دار" میں مستعمل ملتا ہے۔, m[]

فِشانْدَن فِشاں

اسم

صفت ذاتی

فشاں کے معنی

فشاں english meaning

scatteringstrewing; shedding; spreadingexpandingdiffusing; strewed; scattererstrewer

شاعری

• میں کون ہوں اے ہمنفساں سوختہ جاں ہوں
  اک آگ مرے دل میں ہے جو شعلہ فشاں ہوں
• ضو فشاں یوں مری آنکھوں میں ترے پرتو ہیں
  جیسے دریا سے چمک اٹھے ہیں صحراؤں میں
• ہَوا بُرد
  
  مِرے ہم سَفر
  مِرے جسم و جاں کے ہر ایک رشتے سے معتبر‘ مرے ہم سَفر
  تجھے یاد ہیں! تجھے یاد ہیں!
  وہ جو قربتوں کے سُرور میں
  تری آرزو کے حصار میں
  مِری خواہشوں کے وفور میں
  کئی ذائقے تھے گُھلے ہُوئے
  درِ گلستاں سے بہار تک
  وہ جو راستے تھے‘ کُھلے ہُوئے!
  سرِ لوحِ جاں‘
  کسی اجنبی سی زبان کے
  وہ جو خُوشنما سے حروف تھے!
  وہ جو سرخوشی کا غبار سا تھا چہار سُو
  جہاں ایک دُوجے کے رُوبرو
  ہمیں اپنی رُوحوں میں پھیلتی کسی نغمگی کی خبر ملی
  کِسی روشنی کی نظر ملی‘
  ہمیں روشنی کی نظر ملی تو جو ریزہ ریزہ سے عکس تھے
  وہ بہم ہُوئے
  وہ بہم ہُوئے تو پتہ چلا
  کہ جو آگ سی ہے شرر فشاں مِری خاک میں
  اُسی آگ کا
  کوئی اَن بُجھا سا نشان ہے‘ تری خاک میں!
  اسی خاکداں میں وہ خواب ہے
  جسے شکل دینے کے واسطے
  یہ جو شش جہات کا کھیل ہے یہ رواں ہُوا
  اسی روشنی سے ’’مکاں‘‘ بنا‘ اسی روشنی سے ’’زماں‘‘ ہُوا
  یہ جو ہر گُماں کا یقین ہے!
  وہ جو ہر یقیں کا گمان تھا!
  اسی داستاں کا بیان تھا!
• فرق
  
  کہا اُس نے دیکھو‘
  ’’اگر یہ محبت ہے‘ جس کے دو شالے
  میں لپٹے ہوئے ہم کئی منزلوں سے گزر آئے ہیں!
  دھنک موسموں کے حوالے ہمارے بدن پہ لکھے ہیں!
  کئی ذائقے ہیں‘
  جو ہونٹوں سے چل کر لہُو کی روانی میں گُھل مِل گئے ہیں!
  
  تو پھر اُس تعلق کو کیا نام دیں گے؟
  جو جسموں کی تیز اور اندھی صدا پر رگوں میں مچلتا ہے
  پَوروں میں جلتا ہے
  اور ایک آتش فشاں کی طرح
  اپنی حِدّت میں سب کچھ بہاتا ہُوا… سنسناتا ہُوا
  راستوں میں فقط کُچھ نشاں چھوڑ جاتا ہے
  (جن کو کوئی یاد رکھتا نہیں)
  تو کیا یہ سبھی کچھ‘
  اُنہی چند آتش مزاج اور بے نام لمحوں کا اک کھیل ہے؟
  جو اَزل سے مری اور تری خواہشوں کا
  انوکھا سا بندھن ہے… ایک ایسا بندھن
  کہ جس میں نہ رسّی نہ زنجیر کوئی‘
  مگر اِک گِرہ ہے‘
  فقط اِک گِرہ ہے کہ لگتی ہے اور پھر
  گِرہ در گِرہ یہ لہو کے خَلیّوں کو یُوں باندھتی ہے
  کہ اَرض و سَما میں کشش کے تعلق کے جتنے مظاہر
  نہاں اور عیاں ہیں‘
  غلاموں کی صورت قطاروں میں آتے ہیں
  نظریں جُھکائے ہوئے بیٹھ جاتے ہیں
  اور اپنے رستوں پہ جاتے نہیں
  بات کرتے نہیں‘
  سر اُٹھاتے نہیں…‘‘
  
  کہا میں نے‘ جاناں!
  ’’یہ سب کُچھ بجا ہے
  ہمارے تعلق کے ہر راستے میں
  بدن سنگِ منزل کی صورت کھڑا ہے!
  ہوس اور محبت کا لہجہ ہے یکساں
  کہ دونوں طرف سے بدن بولتا ہے!
  بظاہر زمان و مکاں کے سفر میں
  بدن ابتدا ہے‘ بدن انتہا ہے
  مگر اس کے ہوتے… سبھی کُچھ کے ہوتے
  کہیں بیچ میں وہ جو اِک فاصلہ ہے!
  وہ کیا ہے!
  مری جان‘ دیکھو
  یہ موہوم سا فاصلہ ہی حقیقت میں
  ساری کہانی کا اصلی سِرا ہے
  (بدن تو فقط لوح کا حاشیہ ہے)
  بدن کی حقیقت‘ محبت کے قصے کا صرف ایک حصہ ہے
  اور اُس سے آگے
  محبت میں جو کچھ ہے اُس کو سمجھنا
  بدن کے تصّور سے ہی ماورا ہے
  یہ اِک کیفیت ہے
  جسے نام دینا تو ممکن نہیں ہے‘ سمجھنے کی خاطر بس اتنا سمجھ لو
  زمیں زادگاں کے مقدر کا جب فیصلہ ہوگیا تھا
  تو اپنے تحفظ‘ تشخص کی خاطر
  ہر اک ذات کو ایک تالہ ملا تھا
  وہ مخصوص تالہ‘ جو اک خاص نمبر پہ کُھلتا ہے لیکن
  کسی اور نمبر سے ملتا نہیں
  تجھے اور مجھے بھی یہ تالے ملے تھے
  مگر فرق اتنا ہے دونوں کے کُھلنے کے نمبر وہی ہیں
  اور ان نمبروں پہ ہمارے سوا
  تیسرا کوئی بھی قفل کُھلتا نہیں
  تری اور مری بات کے درمیاں
  بس یہی فرق ہے!
  ہوس اور محبت میں اے جانِ جاں
  بس یہی فرق ہے!!
• چاند جیسا ہے وفق بھیتر عیاں
  چہرہ کا از گلال آتش فشاں
• اے سوز گریہ آگے تری آب و تاب کے
  پانی بھرے ہے جلوہ آتش فشاں شمع
• ہے ننگ سینہ دل اگر آتش کدہ نہ ہو
  ہے عار دل نفس اگر آذر فشاں نہیں
• جبریل تعزیت میں ہوں مشغول صبح و شام
  کہتا ہے ہو کے اشک فشاں وا مصیبتا
• آہ شرر فشاں کی بھی اک دن چڑھے گی باڑھ
  ہم پر نہ بار بار طپنچا اٹھائیے
• رسا ہوئی مری آہ شرر فشاں کیسی
  لگی ہے اب ترے تلووں سے آسماں کیسی

محاورات

• اشک افشاں (یا فشاں یا بار ) ہونا
• اشک افشاں (یا فشاں یا بار) ہونا
• افشاں چھٹ جانا یا چھٹنا