ٹرمنل کے معنی ، مترادف ، اور مطلب | urdu word terminal meanings and details
ٹرمنل کے معنی ، تشریح، مترادف اور تفصیل
{ ٹَر + مِنَل }
تفصیلات
iاصلاً انگریزی زبان کا لفظ ہے اور بطور اسم مستعمل ہے اردو میں انگریزی سے ماخوذ ہے اور اصلی حالت اور معنی میں ہی اردو زبان میں عربی رسم الخط کے ساتھ مستعمل ہے ١٩٠٣ء "آئینہ موٹر" میں مستعمل ملتا ہے۔
["Terminal "," ٹَرْمِنَل"]
اسم
اسم نکرہ ( مذکر - واحد )
اقسام اسم
- جمع استثنائی : ٹَرْمِنَلْز[ٹر + مِنَلْز]
- جمع غیر ندائی : ٹَرْمِنَلوں[ٹَر + مِنَلوں (واؤ مجہول)]
ٹرمنل کے معنی
١ - سرے کا، دھوکا، آخری۔
"چورا ہے کے ہر دو جانب ٹرمنل بلڈنگ کے قریب کوئی گاڑی کھڑی نہیں کی جائے گی" (١٩٦٦ء، روز نامۂ جنگ، ٣، ٢:١٨١)
٢ - مدت مقررہ پر کیا جانے یا واقع ہونے والا، میعادی، میقاتی۔
"بی۔اے میں کمار فرسٹ تھا اور ٹرمنل امتحانوں میں بھی اس سے بہت آگے رہا" (١٩٥٥ء، آبلہ دل کا، ١٤٨)
٣ - ریل کا آخری اسٹیشن؛ بسوں کا آخری اڈا جہاں سے کرائے کی گاڑیاں روانہ ہوتیں اور جہاں تک جاتی ہیں؛ ہوائی اڈے کی وہ عمارت جہاں سے مسافر آتے اور روانہ ہوتے ہیں۔
"ڈرائیور کو ہدایت کی کہ ان صاحب کو فوراً حج ٹرمینل پر پہنچا دو" (١٩٧٥ء، مساوات، کراچی، جنوری: ٣)
٤ - سرا، منتہا؛ خصوصاً برقی مورچے (بیٹری) کے دونوں سرے کے پیچوں میں سے ایک پیچ۔
"بیٹری کے ٹرمینل کو دیکھتے رہنا چاہیے کہ ان پر سبز رنگ کا زنگ تو نہیں ہے جس کی وجہ سے وہ گل نہ جائیں" (١٩٠٣ء، آئینہ موٹر، ٥٦)