پیٹنا کے معنی

"اس عرصے میں تم نے کتنی مرتبہ ان کو کلیجے سے لگایا اور کَے دفعہ گھُرکا جھڑکا، ڈانٹا، پیٹا۔" (١٩١٩ء، جوہرِ قدامت، ١٤٦)

 حیراں ہوں دل کو روؤں کہ پیٹوں جگر کو میں مقدور ہو تو ساتھ رکھوں نوحہ گر کو میں (١٨٦٩ء، غالب، دیوان، ١٩٠:٢)

"یہاں بہت سی رکھانیاں بھی دریافت ہوئی ہیں جو کانسے یا تانبے کی گول یا چوکور سریوں کو کاٹ کر یا ان کے سرے پیٹ کر بنائی گئی ہیں۔" (١٩٥٩ء، وادی سندھ کی تہذیب، ٩٧)

"گدے دار سامان، اچھی طرح سے صاف کرنے کے لیے ہوا میں لے جا کر خوب پیٹا جائے۔" (١٩١٦ء، خانہ داری، ١٥٠)

"ہم تو اسی دن کو پیٹتے تھے خیر خدا بھلا چاہے، کسی کے بُرا چاہنے سے کیا ہوتا ہے۔" (١٩١٠ء، راحت زمانی، ٢٠)

"ایک بات ہو تو کہوں اور ایک رسم ہو تو پیٹوں، کنبے کا کنبہ، آوے کا آوا ایک رنگ میں رنگا ہوا۔" (١٩١٠ء، لڑکیوں کی انشاء، ١٠)

 چھوڑ کر مجھ کو سسکتا تم اگر گھر جاؤ مجھے پیٹو مجھے گاڑو مرا مُردا دیکھو (١٨٣٢ء، دیوانِ رند، ١١٨:١)

"تنہا مہرے کسی دوسرے مہرے کو نہیں پیٹ سکتے۔" (١٩٣٨ء، آئین اکبری، (فدا علی)، ١، ٤٦٨:١)

"مسلمانوں کا کام نہیں، یہی میں آج وعظ پیٹ رہی تھی کہ جس طرح ہو ایمان درست کرو۔" (١٩٠٨ء، صبحِ زندگی، ٩٢)

 کیا اتحاد ہے وہ پیٹا جو گاڑ کر مدفن میں ہو گیا ہے ہمارا بدن کبود (١٨٣٢ء، ناسخ، دیوان، ٦١:٢)

"ہر چند دلارام، مہ جبیں کو ہٹالے گئی ہے لیکن مہ جبیں بھی دور نہ جائے گی، اپنے وارث کے انتظار میں پیٹ رہی ہو گی۔" (١٨٩٢ء، طلسم ہوشربا، ٢٢:٦)