اتارنا کے معنی

"مزدور کہیں سامان اتار رہے ہیں کہیں لاد رہے ہیں۔" (١٨٩٤ء، اردو کی پانچویں کتاب، اسماعیل، ٢٤)

 آ ہی گیا وہ مجھ کو لحد میں اتارنے غفلت ذرا نہ کی مرے غفلت شعار نے (١٩٢٥ء، نغمہ زار، ٩١)

 پھولوں سوں سیج سنوارے چھپر پلنگ کا پردہ اتارے (١٦٣٥ء سب رس، ٢٧)

"ساری ملائی اتار کر بالا ہی بالا چٹ کر جاتی۔" (١٩٣٧ء، قصص الامثال، ٢٠٠)

 پہنا دیا شفق نے سونے کا سارا زیور قدرت نے اپنے گہنے چاندی کے سب اتارے (١٩٢٤ء، بانگ درا، ١٩٠)

"مہینوں سے نہ تکیوں کے غلاف اتارے گئے ہیں نہ پلنگ کی چادر بدلی گئ ہے۔" (١٨٩٢ء، امیراللغات، ٤٤:٢)

"خدا نے ان پڑھ بدوؤں کے لیے انھیں کی زبان میں قرآن اتارا ہے۔" (١٨٧٣ء، تہذیب الاخلاق، سرسید، ٢٣٨:٢)

 اُمی لقب اس سے ہے کہ بھیجا ہے پڑھا کے دنیا میں اتارا ہے رسول اپنا بنا کے (١٩٥١ء، آرزو، صحیفہ الہام، ٦٢)

"اتارے تمھارے واسطے چوپایوں کے آٹھ زمادہ۔" (١٧٩٠ء ترجمہ قرآن، شاہ عبدالقادر، ٤٢)

"جس نے ہم کو اپنی مہربانی سے رہنے کے گھر میں اتارا۔" (١٩٣٢ء، سیرۃ النبی، ٤، ٨٣٨)

"ساٹھے پاٹھے دولھا نے . دلھن کو سواری سے اتارا۔" (١٩٣٧ء، قصص الامثال، ٢٨٧)

 نہ پوچھ میں نے جو زہرابہء حیات پیا کوئی اتار لے اس کو تو ہڈیاں اڑ جائیں (١٩٥٩ء، گلِ نغمہ، ٤٢٩)

"تھانے دار صاحب عہدے سے اتار کر حوالدار کر دیے گئے۔" (١٩٥٨ء، مہذب اللغات، ٨١:١)

"اس کو حکومت سے معزول کر کے تخت سلطنت سے اتار دیا۔" (١٨٧٢ء، ستارہ ہند، ترجمہ انوار سہیلی، ١٣١)

"نشتر کو اندر سے اندر گہرائیوں میں اتارتا جاتا ہے۔" (١٩٤٥ء، حکیم الامہ، ٢٥)

"یہاں سے چل کر نور قدرت اس کے پیٹ میں اتاروں گا۔" (١٩١٧ء، گلستان باختر، ٦:٣)

"اس نے اپنے پیش کردہ خیالات کو لوگوں کے دلوں میں اتار کر ایک عظیم الشان انقلاب برپا کر دیا۔" (١٩٥٨ء، ہندوستان کے عہد وسطٰی کی ایک جھلک، ٣٠٩)

"پیچ نہ چلا، ہتھوے نے کلائی اتار دی۔" (١٩٣٠ء، اودھ پنچ، لکھنو، ٤،١:١٥)

"یہ قالین اتار کے ہمارا قالین بھی چڑھا دینا۔" (١٩٢٤ء، نوراللغات۔٢٥٣:١)

"کیا تیز باورچی ہے دم بھر میں دو دیگیں اتار دیں۔" (١٩٢٤ء، نوراللغات، ١، ٢٥٣)

"باقی پانچ جو ہیں بذاتہ تیور ہیں اور جب ان کو اتارتے ہیں ان کو کونمل کہتے ہیں۔" (١٨٥٦ء، فوائد الصبیان، ١٣٧)

"دو اخباروں کی نقل اتاری جاتی ہے۔" (١٩٠٧ء، کرزن نامہ، ذکاء اللہ، ٢٤٠)

"اس لڑکے نے چار ہی دن میں قاری صاحب کا لہجہ اتار لیا۔" (١٨٩٢ء، امیراللغات، ٢، ٤٥)

 ہر اک جاگہ قصہ ہے فارسی میں امین اس کوں اتارے گوجری میں (١٦٩٧ء، یوسف زلیخا (ق)، امین (یورپ میں دکنی مخطوطات، ٣٤٠))

"میرا دل چاہتا ہے کہ شہزادی بیگم کی تصویر اتاروں۔" (١٩٥٦ء، رادھا اور رنگ محل، ٣٧)

"لڑکے کی شادی کیا کی ہے، ایک فرض اتارا ہے۔" "کبھی بھی آپ کا مات فاضل چھوڑ کر اٹھا ہوں? یا تو اتار کر اٹھا یا آپ پر چڑھا کر۔" (١٨٩٢ء، امیراللغات، ٢، ٤٤)(١٩٣٢ء، روح ظرافت، ١٢٧)

"دادی بی اس پر سے صدقہ اتارا کرتی تھیں۔" (١٩٤٢ء، معصومہ، ١٢٩)

 بحر غم سے ہمیں پار اتارے گی کشتی مئے بادباں ابر اور ساقی ناخدا ہو جائے گا (١٨٤٦ء، آتش، کلیات، ٣٠)

"اگر سانپ نیولے کو کاٹ لیتا ہے تو نیولا منگوس بیل نامی ایک پودے کی پتی کھا کر زہر کو اتار دیتا ہے۔" (١٩٣٢ء، عالم حیوانی، ٤٧٤)

 پریاں بھی میں نے سر سے اتاری ہیں بارہا اترا نہ سر سے زلف کا سایہ کسی طرح (١٨٣٦ء، ریاض البحر، ٨٢)

"تم بچھو اتارنا جانتے ہو، بھلا تمھارا جادو کون اتار سکتا ہے۔" (١٨٩٢ء، امیراللغات، ٤٤:٢)

"کیسی کیسی باتیں دماغ سے اتار کے کرتا ہے کہ ہوش جاتے ہیں۔" (١٩٤٠ء، آغا شاعر، ارمان، ٤٣)

"لے بس پانچ گز اتار دو، لالہ نے ناک بھوں چڑھا کر پانچ گز مخمل اتار دی۔" (١٨٨٠ء، فسانہ آزاد، ٤٣)

 چڑھانا ضعف میں مانی کا کب سر پر گوارا ہے تپ غم نے تیرے بیمار کا چہرہ اتارا ہے (١٨٥٨ء، امانت، دیوان، ٨٨)

"استاد نے دم خم دیکھ کر چوتھے ہی سال میں میلے کی گھوڑ دوڑ میں اتار دیا۔" (١٩٦٣ء، سہہ ماہی، اردو نامہ، کراچی ١٢، ١٩)

"خاصدان کو اتنا مانجا کہ ساری قلعی اتار دی۔" (١٨٩٢ء، امیراللغات، ٢، ٤٤)

"زندگی کے تاثر کو میری تخیل نے ایک لباس پہنا کر الفاظ میں اتارا۔" (١٩٦٩ء، افسانہ کر دیا، احسن فاروقی، ٣)

"تمہاری یہی بد زبانی ہے تو کسی دن کوئی آبرو اتار لے گا۔" (١٨٩٢ء، امیراللغات، ٢، ٤٤)

"تمام کوٹھی خالی پڑی ہے، آپ جہاں چاہیں اپنا سامان اتار لیں۔" (١٨٩٢ء، امیراللغات، ٤٥:٢)

"اوپر سے منڈیر کچھ اتار دی جائے تو دباؤ کچھ کم ہو جائے۔" (١٨٩٢ء، امیراللغات، ٤٥:٢)