باد صبا کے معنی

باد صبا کے معنی ، تشریح، مترادف اور تفصیل

{ با + دے + صَبا }

تفصیلات

اسم معرفہ ( مؤنث - واحد )

١ - صبح کے وقت قبل طلوع شمال مشرق سے چلنے والی ہوا جو صحت بخش و خوشگوار ہوتی ہے، نسیم سحر، پروا ہوا۔

 مہکی ہوئ ہیں کلیاں چمپا ہے عطر افشاں خوشبو سے ہے معطر باد صبا کا داماں (١٩٢٩ء، مطلع انوار، ٧٧)

morning breezezephyrrefreshing windto bring to life

ہوں رہگزر میں تیرے ہر نقشِ پا ہے شاید
اُڑتی ہے خاک میری باد صبا ہے شاید
اے باد صبا تُو میری اس وقت مدد کر!
وہ ہوش میں لانے کی دوا بھول گئے ہیں
کیا جانے اس کو مرغ سحر خواں نے کیا کہا
آزردہ دل چمن سے جو باد صبا گئی
غیرت پہ باغباں کی پتھر پڑیں کہ ہم نے
سوبار گل کو ہنستے باد صبا سے دیکھا
جب تصور رخ گلگوں کا بندھا آنکھوں میں
خار ہر گل ہوا اے باد صبا آنکھوں میں
باد صبا سے زلف معطر کی ہم تلک
مدت ہوئی کہ پہنچی نہیں کچھ خبر عطر
اے باد صبا باغ میں موہن کے گزر کر
مجھ داغ کی اس لالۂ خونیں کوں خبر کر
بوے نگار کے جھکور باد صبا جو لے گئی
نکہت گل کے اے بہار اُڑ گئے کچھ حواس سے
تکلیف کچھ ایسی نہیں سایہ ہے ہوا ہے
پانی ہے خنک مروحہ کش باد صبا ہے
جب چمن میں جا کے پیارے تم نے زلفیں کھولیاں
لے گئی باد صبا خوشبو کی بھر بھر جھولیاں