دکھانا کے معنی

"ایریو نے ڈانٹتے ہوئے کہا "کوئی بڑا اور مضبوط اور کنگھا دکھاؤ۔" (١٩٦٢ء، آفت کا ٹکڑا، ٤٥)

"میرا ارادہ ہے کہ . گزشتہ پندرہ بیس برس کی طاقت دکھاؤں۔" (١٩٤٧ء، فرحت، مضامین، ٥:٣)

"بڑے بڑے یورپین مصنفین . کے اقوال نقل کر کے ان پر تنقید کی ہے اور ان کی غلطیاں دکھائی ہیں۔" (١٩٣١ء، مقدماتِ عبدالحق، ١٠:١)

"فارسی کلام نظم سید منصور علی مرحوم کو اور اردو داغ دہوی کو دکھایا" (١٩٢٩ء، تذکرۂ کاملان رامپور، ٣٧٧)

"یہ تو کہو وہ بچہ بھاگ گئے نہیں تو اس وقت دکھا دیتی۔" (١٨٨٨ء، طلسم ہو شربا (انتخاب)، ٢٦٧:٣)

 ارض و سماں بدل گئے زندگیاں بدل گئیں پھر بھی وہی سوال ہے دور سپہر کیا دکھائے (١٩٤٢ء، روح کائنات، ١٩٤)

"اے مہتا، تو کیوں لاپروائی دکھاتا ہے اگر وہا یہاں سے کچھ دور تو نہیں۔" (١٩٦٣ء، حکایت پنجاب (ترجمہ)، ٢٤٠:١)

"ساتھ ہی وہ یہ بھی دکھانا چاہتا تھا کہ وہ ایک ایماندار انصاف پسند بادشاہ ہے۔" (١٩٧٩ء، کلیاں، ٣٣)

"یہ کہہ کر لڑکی اٹھ کھڑی ہوئی، مجھے ذرا وہ پستول تو دکھانا۔" (١٩٥٥ء، منٹو، سرکنڈوں کے پیچھے، ١٣٣)

 سیارہ شناس کو بلایا ساعت ٹھہرائی دن دکھایا (١٨٣٨ء، گلزار نسیم، ٣٢)

 یا دوستاں تلطّف یا دشمناں مدارا اس نے وہ کر دکھایا حافظ جو کہہ گیا تھا (١٩٥٣ء، دیوان صفی)

"جب وہ نماز کے لیے کھڑے ہوتے ہیں تو سستی اور کاہلی سے کھڑے ہوتے ہیں، لوگوں کو اپنی نماز دکھاتے ہیں۔" (١٩١٢ء، تحقیق الجہاد (مقدمہ)، ١١١)

"بدنصیب دیکھ لیا دکھا لیا بس اب چلتی پھرتی نظر آ۔" (١٨٩٩ء، ہیرے کی کنی، ٢٢)

"کہنا اسے دن بھر دھوپ دکھائیں اور پھر کسی پیٹی میں پھینک دیں۔" (١٩٨٠ء، نیلا پتھر، ٢٩)