سنبھالنا کے معنی

"مینڈک کا ڈھانچہ ہڈیوں اور غضروف سے تشکیل پاتا ہے اس کی وجہ سے مینڈک کی شکل ہمیشہ قائم رہتی ہے یہ تمام جسم کو سنبھالتا ہے۔" (١٩٨١ء، اساسی حیوانیات، ١٤٣)

"اگر میدان جنگِ میں مارا گیا تو پھر میری بیوی اور بچے کو کون سنبھالے گا۔" (١٩٣٥ء، آغا حشر، اسیرِ حرص، ٢٨)

 اگرچہ خطا ہے تو مجہ توں سنبھال کہ یاں سب خطا، بے خطا ذوالجلال (١٦٤٥ء، قصۂ بے نظیر، ٢٦)

 ساقی کی چشم مست پہ مشکل نہیں نگاہ مشکل سنبھالنا ہے دل بیقرار کا (١٩٢٧ء، شاد عظمی آبادی، میخانۂ الہام، ٢١)

 دیوانہ ہوکے کوئی پھاڑا کرے گریباں ممکن نہیں کہ دامن وہ بے خبر سنبھالے (١٨٤٦ء، آتش، کلیات، ١٩٧)

"اگر مرد شکار کرتا تھا، تو عورت شکار کے سنبھالنے میں مدد کرتی تھی۔" (١٩١٦ء، گہوراۂ تمدن، ٦٧)

 دل بچا تیغ نظر سے مگر اب خبر نہیں تیرے دنبالے نے بھالا جو سنبھالا اپنا (١٨٩٢ء، مہتاب داغ، ٤٦)

"پریم شنکر نے اپنا بقچہ سنبھالا اور باہر چلے۔" (١٩٢٢ء، گوشۂ عافیت، ٢٠٠:١)

"کارخانۂ عالم کا بنانے والا اور سنبھالنے والا وہی ہے۔" (١٩٠٦ء، الحقوق والفرائض، ١٠:١)

 دل سنبھالے کیا ترے سرمہ کے دنبالہ کی جھوک اپنے ترکِ چشم ہی سے پوچھ اس بھالے کی جھوک (١٨٣٨ء، شاہ نصیر، چمنستانِ سخن، ٩٥)

"یہ روپیہ سنبھال لو۔" (١٩٢٩ء، نوراللغات، ٢٩٢:٣)