سپیدہ
{ سُپے + دَہ }
تفصیلات
iپہلوی زبان سے ماخوذ اسم صفت |سپید| کے ساتھ |ہ| بطور لاحقۂ نسبت لگانے سے بنا۔ اردو میں بطور اسم استعمال ہوتا ہے۔ تحریراً ١٨٧٣ء سے "دیوان جرار" میں مستعمل ملتا ہے۔
["سُپید "," سُپیدَہ"]
اسم
اسم نکرہ ( مذکر - واحد )
اقسام اسم
- واحد غیر ندائی : سُپیدے[سُپے + دے]
- جمع : سُپیدے[سُپے + دے]
- جمع غیر ندائی : سُپیدوں[سُپے + دوں (و مجہول)]
سپیدہ کے معنی
١ - روشنی، اجالا، صبح کی روشنی۔
رہی راحت نہ جب، بیجا ہے اے دل رنج کلفت کا کہ پاپان شب غم ہے سپیدہ، صبح عشرت کا (١٩٠٠ء، دیوان حبیب، ٦٠)
٢ - ایک قسم کا آم، سفیدہ۔
"جس قدر لذت ملی سپیدے ہی سے ملی۔" (١٨٩٥ء، مکاتیب امیر مینائی، ٣٤٥)
٣ - ایک درخت جس کا تنا اور چھال وغیرہ سفید ہوتے ہیں۔
"کسان دیکھتا ہے . وہ پودا اس طرح ننگا کھڑا ہے جس طرح موسم سرما میں اس کے باہر سپیدے کا درخت کھڑا ہوتا ہے۔"١٩٥٧ء، طوفان کی کلیاں، ٣٨
٤ - وہ سفوف جو چہرے پر ملتے اور بچوں کی آنکھیں آشوب ہوتی ہیں تو آنکھ میں لگاتے ہیں، سفید رنگ جو تصویروں میں بھرتے ہیں۔ (نوراللغات؛ جامع)
انگلش
["whiting","chalk; white lead","ceruse; the whites"]