لنڈورا کے معنی
لنڈورا کے معنی ، تشریح، مترادف اور تفصیل
{ لَن + ڈو (و مجہول) + را }
تفصیلات
iسنسکرت زبان سے ماخوذ صفت کا محرف |لنڈورا| اردو میں بطور صفت استعمال ہوتا ہے۔ ١٨٤٨ء کو "تاریخ ممالک چین" میں مستعمل ملتا ہے۔, m["بے بس","بے کس","بے یارو آشنا","بے یارومددگار","دم بریدہ","دُم کٹا","گنجا (لُنڈا سے)","لُنڈا (پرند)","مرغ دم بریدہ"]
لنڈا لَنْڈورا
اسم
صفت ذاتی ( واحد )
اقسام اسم
- جنسِ مخالف : لَنْڈوری[لَن + ڈو (و مجہول) + ری]
- واحد غیر ندائی : لَنْڈورے[لَن + ڈو (و مجہول) + رے]
- جمع : لَنْڈورے[لَن + ڈو (و مجہول) + رے]
- جمع غیر ندائی : لَنْڈوروں[لَن + ڈو (و مجہول) + روں (و مجہول)]
لنڈورا کے معنی
١ - بے دم کا (پرندہ)، دم بریدہ۔
کہ بی بلی بخشو ہماری خطا کہ اس سے تو چوہا لنڈورا بھلا (١٩٥٠ء، ضمیر خامہ، ٥٨)
٢ - [ مجازا ] جس کی شادی نہ ہوئی ہو، مجرد۔
"سب جوڑے جوڑے تھے، صرف لالی لنڈورا تھا۔" (١٩٧٨ء، جانگلوس، ٣١٧)
٣ - تنہا، اکیلا، بے یارو مددگار۔
"وہ . ولایت کی چمپت ہوئی میاں لنڈورے رہ گئے۔" (١٩٠٨ء، اقبال دلہن، ٢٥)
٤ - آوارہ
"یہ ١٩٤٨ء کی بات ہے . کام کاج تھا نہیں لنڈورے پھرتے تھے۔" (١٩٨٩ء، افکار، کراچی، اگست، ٥٤)
٥ - جس کے سر یا مونچھ وغیرہ کے بال نہ ہوں، صفا چٹ، گنجا۔
"خوجی نے جو آئینے میں اپنی صورت دیکھی تو مونچھ نہیں لنڈورے بنے ہوئے۔" (١٨٨٠ء، فسانہ آزاد، ٢٧٨:٢)
لنڈورا کے جملے اور مرکبات
لنڈوراپن
شاعری
- کہ بی بلی بخشو ہماری خطا
کہ اس سے تو چوہا لنڈورا بھلا
محاورات
- بخشو بی بلی چوہا (مرغا) لنڈورا ہی (بھلا) جئے گا
- چھوڑ بی بلی چوہا لنڈورا ہی بھلا
- چھوڑو بی بلی چوہا لنڈورا ہی بھلا
- لنڈورا رہ جانا