محتسب

{ مُح + تَسِب }

تفصیلات

iعربی زبان میں ثلاثی مجرد کے باب سے مشتق |اسم فاعل| ہے اردو میں بطور |اسم| مستعمل ہے۔ ١٩٣٥ء کو "اصول تعلیم" میں مستعمل ملتا ہے۔

["حسب "," اِحْتِساب "," مُحْتَسِب"]

اسم نکرہ ( مذکر )

١ - حساب لینے والا، احتساب کرنے والا، حساب گیرندہ۔

"تفتیش کرنے کے لیے محتسب کو وہ تمام اختیارات حاصل ہیں جو کسی ضابطۂ دیوانی کے تحت دیوانی عدالت کو حاصل ہیں۔" (١٩٩٠ء، وفاقی محتسب کی سالانہ رپورٹ، ١٧)

٢ - وہ حاکم جو خلاف شرع یا خلاف قانون باتوں (عموماً شراب نوشی اور قمار بازی وغیرہ) کی باز پرس کرے؛ مفتی، قاضی، شیخ، مجسٹریٹ، کوتوال۔

"ولی نے شعرائے ایران سے واعظ و محتسب کی تضحیک کرنا بھی سیکھی ہے۔" (١٩٩١ء، نگار، کراچی، مارچ، ١٢)

٣ - بازار میں ناپ تول پر نظر رکھنے والا شخص، جانچ کرنے والا افسر۔ (ماخوذ : پلیٹس)

٤ - [ تصوف ] مشرع ظاہری۔ (مصباح التعرف)

٥ - [ نفسیات ] ذہن کی وہ قوت عاملہ جو لاشعور کے درمیان سرحدی محافظ کا کام کرتی ہے۔ (کشاف تنقیدی اصطلاحات، 168)

محتسب اعلی, محتسب شہر, محتسب صفت