ملانا

 جو باقی مے تھی اس کی زندگی کے آبگینے میں وہ مے اس نے ملا دی موت کے ٹھنڈے پسینے میں (١٩٨٨ء، برگد، ٢٨٣)

 سورج سے ملاتے کبھی ہم چاند سے اس کی ملتا جو کہیں جلوہ رخسار محمدۖ (١٩١٠ء، دیوان خوبی سخن)

 مجھ تک کب ان کی بزم میں آتا تھا دور جام ساقی نے کچھ ملا نہ دیا ہو شراب میں (١٨٦٩ء، دیوان غالب، ٩٩)

"کاپی منگوائی، کپڑے کھولے اور ملانے شروع کیے"۔ (١٩٠٨ء، صبح زندگی، ١٥٥)

"خود اپنی مشق بہم پہنچائی کہ میر عماد کے کتبوں میں خط ملا دیا"۔ (١٩٢٩ء، تذکرہ کاملان رام پور، ٢١)

 تعریف میں چشمے کو سمندر سے ملادوں قطرے کو جو دوں آپ تو گوہر سے ملا دوں (١٨٧٤ء، انیس مراثی، ١٠٢)

"یہ پسٹن ایک ملانے والی سلاخ کے ذریعے ایک کرینک کے ساتھ ملا ہوتا ہے"۔ (١٩٦٦ء، حرارت، ٦٠٠)

"لوگ مجھے صرف اس بات سے یاد رکھیں کہ میں نے اپنی ساری عمر اور محنت ہندو مسلمانوں کے ملانے میں صرف کر دی" (١٩٣٨ء، خطبات عبد الحق، ١٤٥)

 جو مجھ میں چھپا بیٹھا ہے میں تم سے ملانے لایا ہوں (١٩٨٩ء، گھنگھرو، ٣١)

 اوس پری وش سے ملا دو مجھے اے حضرت شیخ آپ تو حور کو انسان سے ملا دیتے ہیں (١٨٩٩ء، دیوان ظہیر، ١٦٢:١)

 کوشش کرو کہ مرزا سے بیگم کا ہو ملاپ گوئپاں ملانا ہجرزدوں کا ثواب ہے (١٩٢١ء، دیوان ریختی، ٧٤)

"بھیڑیے اور لومڑی سے پلا ہوا کتا اور کتیا کو ملا کر بچے پیا کیے گئے" (١٩٣٢ء، قطب یار جنگ، شکار، ٣٨٤:٢)

 چشم حق ہیں سے حسینوں کو نظر کر زاہد پر وہ بندے ہیں خدا سے جو ملا دیتے ہیں (١٨٩٩ء، دیوان ظہیر، ١٢٧:١)

"کسی دوسرے کو اس کی عبادت میں مت ملا"۔ (١٨٧٦ء، مضامین تہذیب الاخلاق، ١٦٨:٢)

"بولی چپ رہو حاسد کہدیں کہ یہ بھی اونٹ کا بچہ ہے تو کون اس سے ملائے گا"۔ (١٩٣٠ء، گلستان، ٤٧)

"چنانچہ اس نے مرہٹوں کو ملا کر حیدر علی کی طاقت کو ختم کرنا چاہا" (١٩٧٥ء، آزادی کے مجاہد، ٦:٢)

"قطع کرتے ہیں اس چیز کو جس کو اللہ نے فرمایا ملانے کو" (١٩١٧ء، ترجمۂ قرآن، مولانا محمود الحسن، ٧٠)

 وعدہ وہ کر گئے ہیں شب کو ملیں گے آ کر دل کی تسکین کو گھڑی ہم نے ملا رکھی ہے (١٩٠٧ء، انتخاب گرامی، کمال ١٦٢)

"اس کے بعد دونوں سارنگی نواز اپنی اپنی سارنگیاں ملانے لگتے" (١٩٦٢ء، ساقی، کراچی، جولائی ٥٥)