نزول

" وہ مجھ سے کب ملی اور کیسے ملی تو میں نے کہا ذرا اس کی شانِ نزول بھی بیان کر دوں" (١٩٨٩ء، قصے تیرے فسانے میرے، ٨٣۔)

"آنحضرت صلی اللہ علیہ وسلم نے سفر میں نیچے ایک درخت کے نزول فرمایا تھا" (١٨٥١ء، عجائب القصص (ترجمہ) ٣٣٧:٢۔)

"اس کے گھر بھی ایک لڑکی کا نزول ہوا ہے" (١٩٤١ء، پیاری زمین (ترجمہ) ٧٨۔)

"ہمارا نظامِ تعلیم ابھی تک نزول کا شکار رہا ہے" (١٩٩٢ء، اردو نامہ، لاہور، دسمبر٦۔)

"صبح کو مشرق میں آفتاب طلوع ہوتا ہے اور بتدریج بلند ہوتا ہے جس کو عروج یا صعودِ آفتاب کہتے ہیں. پھر اترنا شرو ہوتا ہے جس کو ڈھلنا یا نزول کہتے ہیں۔ (١٨٩٠ء، جغرافیۂ طبیعی، ١٧:١۔)

"اس کا شوق بھی نہیں کہ نزولِ ملائکہ اور روحوں کی ملاقات والی شب میسر آئے" (١٩١٣ء، سی پارۂ دل، ١٠:١۔)

"شاہ ولی اللہ مرحوم لکھتے ہیں کہ سببِ نزول کو جانے بغیر فہم قرآن میسر نہیں آ سکتا" (١٩٩٣ء، اردو نامہ، لاہور، اگست، ١٢۔)

"جب دل میں ذکر الٰہی کی شمع روشن ہو گی تو عرفانِ الٰہی کا نزول ہو گا" (١٩٨٩ء، آثار و افکار، ١٤٠۔)

 نقص ہے ایک شخص کی آنکھوں میں اوتر نزول یہ کہ بہت اوس پر نہ ہوا کچھ حصول۔ (١٨٠٥ء، نظم رنگین، ٥٧۔)

"اگر پانچ چیزوں میں سے تین معلوم ہوں تو باقی معلوم ہو سکتی ہیں، مگر اس سلسلے کی اکثر صورتوں میں اتنے بڑے صعود یا نزول لینے ہوتے ہیں" (١٨٩٤ء، تسہیل الحساب، ٥٧۔)

"مخدوم صاحب کی طبیعت عروج سے مائل بہ نزول ہوئی" (١٨٨٤ء، تذکرہ غوثیہ، ٣٢١۔)

"میونسپل کمیٹی نے اس موقع کو نزول میں داخل کر لیا تھا" (١٩٠٥ء، یادگارِ دہلی، ١٠٤)

"حسبِ قانون وقت آراضی نزول ہو گئی تھی" (١٩٥٤ء، حکمائے اسلام، ٣٢٢:٢۔)