پھل دار کے معنی

تفصیلات

١ - پھلنے والا، بارور، بھلا ہوا۔, m["بار ور","ثمر دار","میوہ دار","وہ درخت جس میں پھل لگ رہے ہوں","وہ درخت جس میں پھل لگے"]

اسم

صفت ذاتی

پھل دار کے معنی

شاعری

• سمجھو وہاں پھل دار شجر کوئی نہیں ہے
  وہ صحن کہ جس میں کوئی پتھر نہیں گرتا
• (دلدار بھٹی کے لیے ایک نظم)
  
  کِس کا ہمدرد نہ تھا‘ دوست نہ تھا‘ یار نہ تھا
  وہ فقط میرا ہی دلدار نہ تھا
  
  قہقہے بانٹتا پھرتا تھا گلی کوچوں میں
  اپنی باتوں سے سبھی درد بُھلا دیتا تھا
  اُس کی جیبوں میں بھرے رہتے تھے سکّے‘ غم کے
  پھر بھی ہر بزم کو گُلزار بنا دیتا تھا
  
  ہر دُکھی دل کی تڑپ
  اُس کی آنکھوں کی لہو رنگ فضا میں گُھل کر
  اُس کی راتوں میں سُلگ اُٹھتی تھی
  
  میری اور اُس کی رفاقت کا سفر
  ایسے گُزرا ہے کہ اب سوچتا ہوں
  یہ جو پچیس برس
  آرزو رنگ ستاروں کی طرح لگتے تھے
  کیسے آنکھوں میں اُتر آئے ہیں آنسو بن کر!
  اُس کو روکے گی کسی قبر کی مٹی کیسے!
  وہ تو منظر میں بکھر جاتا تھا خُوشبو بن کر!
  اُس کا سینہ تھا مگر پیار کا دریا کوئی
  ہر دکھی روح کو سیراب کیے جاتا تھا
  نام کا اپنے بھرم اُس نے کچھ ایسے رکھا
  دلِ احباب کو مہتاب کیے جاتا تھا
  کوئی پھل دار شجر ہو سرِ راہے‘ جیسے
  کسی بدلے‘ کسی نسبت کا طلبگار نہ تھا
  اپنی نیکی کی مسّرت تھی‘ اثاثہ اُس کا
  اُس کو کچھ اہلِ تجارت سے سروکار نہ تھا
  
  کس کا ہمدرد نہ تھا‘ دوست نہ تھا‘ یار نہ تھا
  وہ فقط میرا ہی دلدار نہ تھا