چڑھائی کے معنی

چڑھائی کے معنی ، تشریح، مترادف اور تفصیل

{ چَڑ + ھا + ای }

تفصیلات

چڑھ چَڑھائی

اسم نکرہ ( مؤنث - واحد )

١ - زمین کا بلند حصہ، اونچائی، بلندی، پہاڑ کی بلندی کی سمت۔

"اکبری دروازے کے قریب محمود نگر کی چڑھائی پر ایک رفیع الشان مکان بنوا کر وہیں بفراغت زندگی بسر کرنے لگیں۔" (١٩٥٦ء، بیگمات اودھ، ٨٤)

٢ - چڑھنے کا عمل بلندی کی سمت جانے کا عمل۔

 دم مرا بیٹھ گیا صدمۂ غم سے اس شکل جس طرح جائے چڑھائی سے کوئی ہانپ کے بیٹھ (١٨٤٥ء، کلیات ظفر، ٢٢٠:١)

٣ - گھیرا ڈالنا، گھر آئی، ہجوم کرنے کی کیفیت و حالت۔

 جان دینے کو گرے پڑتے ہیں تیغ پار پر آجکل ہے مرنے والوں کی چڑھائی دھار پر (١٩١٨ء، سحر بھوپالی، بیاض سحر، ٧٣)

٤ - لشکر کشی، حملہ، دھاوا۔

"احمد شاہ نے دہلی پر چڑھاؤی کی۔" (١٩٠٦ء، حیات ماہ لقا، ٨)

٥ - مجمع کا کسی پر غلبہ حاصل کرنے کے لیے جانا۔

 تو ہی فتح مندی قیامت میں دے گا چڑھائی ہے خلقت کی ملک عدم پر (١٩١١ء، نذر خدا، ٥٩)

٦ - کسی سواری پر جانے کا کرایہ، آمد و رفت کا کرایہ، سفر کا کرایہ۔ (پلیٹس)

حملہ, یلغار

اُنچائی, اونچائی, بلندی, تاخت, حملہ, دھاوا, روانگی, صعود, لشکرکشی, ہلّہ, یلغار, یورش

Ascentattackincursioninroadinvasion

ہم خستہ دل ہیں تجھ سے بھی نازک مزاج تر
تیوری چڑھائی تونے کہ یاں جی نکل گیا
عجز کیا سو اس مفسد نے قدر ہماری یہ کچھ کی
تیوری چڑھائی غصّہ کیا جب ہم نے جھک کے سلام کیا
ہوئی کیا کیا چڑھائی فرقہ باطل کی مولا پر
و لیکن پاوں حضرت کا نہ راہ راست سے سرکا
قتل کو کس کے چڑھائی تیغ تو نے سان پر
اتر آنکھوں میں جو زخموں کی مرے خوں دیکھ کر
خدنگ مشق مری جان تیر دستی ہے
عبث چڑھائی ہے بھوں حاجت کمان نہیں
تیغیں چڑھائی تھیں جو لعینوں نے سان پر
تیروں پہ تیر تھے تو کمانیں کمان پر
ہم خستہ دل ہیں تجھ سے بھی نازک مزاج تر
تیوری چڑھائی تو نے کہ یاں جی نکل گیا
تجھ نین کی راوت چڑھائی بھنوں کماناں روس کر
سب عاشقاں میں منجہ اپر راکھے چاپ ناب سوں
عاشق پر اور یہ خفگی عرض حال پر
چانپیں چڑھائی جائیں زبان سوال پر
یہ سنتے ہی چڑھائی ستمگر نے آستیں
خنجر کمر سے کھینچ کے آگے بڑھا لعیں