گھائل کے معنی

گھائل کے معنی ، تشریح، مترادف اور تفصیل

{ گھا + اِل }

تفصیلات

گھات+ال گھائِل

صفت ذاتی ( واحد )

١ - زخمی، مجروح، زخم رسیدہ۔

"ثاقب دونوں گھائل آدمیوں کی طرف دیکھ رہا تھا۔" (١٩٨٨ء، نشیب، ٣٩٤)

٢ - [ مجازا ] عشق کا مارا، دل فگار۔

 ہوا ہوں ان دنوں مائل کسی کا نہ تھا میں اس قدر گھائل کسی کا (١٧٣٩ء، کلیات سراج، ١٥١)

٣ - [ مجازا ] فریفتہ، دل دادہ۔

"میں ان کی باتوں اور ان کی تحریوں کا گھائل تھا۔" (١٩٨٤ء، کیا قافلہ جاتا ہے، ٤١)

٤ - ایک قسم کا کنکوا جو خون کی طرح سرخ ہوتا ہے۔

 دم بدم پڑتی ہے اے ناسخ جو شمشیر نگاہ جو پتنگا اس نے اڑایا بس وہ گھائل ہو گیا (١٨٣٨ء، ناسخ، (نوراللغات))

خستہ, فگار, مجروح, زخمی

الجرح, بسمل, پھٹیل, خراشیدہ, خستہ, دلفگار, زخمی, فگار, مجازاً, مجروح, مُجروح, نگار

wounded; stricken; smitten (with love)

بُوئے خوں آتی ہے باد صبحگاہی سے مجھے
نکلی ہے بیدرد شاید ہو کسو گھائل کے پاس
بوے خوں بھک بھک دماغوں میں چلی آتی ہے کچھ
نکلی ہے ہوکر صبا شاید کسو گھائل کے پاس
گھائل جو عشق کے ہیں یہ کہتے ہیں برملا
ہے دل میں خوب شوق بڑھانا پتنگ کا
لڑ گئیں آنکھیں اٹھائی دل نے چوٹ
یہ تماشائی عبث گھائل ہوا
دیکھا کہ تڑپتا ہے پسر صورت بسمل
چھاتی بھی ہے زخمی جگر و دل بھی ہے گھائل
کبھی ترچھی نظروں سے گھائل کیا
کبھی میٹھی نظروں سے مائل کیا
یہ شب نگاہ کے گھائل پہ سخت بھاری ہے
سنا ہے چارہ گروں سے کہ زخم کاری ہے