آسمانی کے معنی

آسمانی کے معنی ، تشریح، مترادف اور تفصیل

{ آس + ما + نی }

تفصیلات

آسیا آسْمان آسْمانی

صفت نسبتی ( مذکر )

١ - آسمان سے منسوب۔ آسمان کا، جو آسمان پر ہو۔

"چھت میں عجب عجب شکلیں چمکتی دمکتی لگی ہیں جو بہت کچھ آسمانی جرموں سے ملتی جلتی ہیں۔" (١٩١٥ء، پیاری دنیا، سجاد حسین، ٧)

٢ - نیلگوں، آسمان کے رنگ سے مشابہ، نیلا۔

"آسمانی اور زرد روشنیوں کے اتحاد سے سفید روشنی حاصل ہوتی ہے۔" (١٩٥٧ء، سائنس سب کے لیے، ٢٤٧)

٣ - خدائی، الٰہی، روحانی۔

"حضرت عیسٰی علیہ السلام نے اس کے لیے آسمانی بادشاہی کی اصطلاح قائم فرمائی ہے۔" (١٩٣٢ء، سیرۃ النبی، ٤، ٨١٩)

٤ - ہوائی، فضائی۔

"صحن میں آتش بازی گڑی، انار، پھلجڑی . آسمانی گولے . وغیرہ بنے ہوئے ہیں۔" (١٨٨٥ء، بزم آخر، ٥٤)

٥ - ناگہانی، ازغیبی، خدائی۔

 وہ چشم قہر قہر آسمانی کا نمونہ ہے نگہ اس کی بلائے ناگہانی کا نمونہ ہے (١٨٤٩ء، کلیات ظفر، ١٧٤:٢)

٦ - آسمان سے اتراہوا، خدا کی طرف سے نازل ہونے والا (وحی کے طور پر)۔

"ہم سب کتب آسمانی کو مانتے ہیں۔" (١٩٠٦ء، الحقوق والفرائض، ٧:١)

٧ - [ قدیم ] بلندی، سرفرازی۔

 عنایت کیا آسمانی مجھے بچن کی دیا درفشانی مجھے (١٦٥٧ء، گلشن عشق، نصرتی، ٨)

نیلا

آکاسی, اتفاقیہ, اچانک, اوپری, بالائی, بلندی, بھنگ, رفعت, سماوی, شراب, فلکی, ناگہانی, نیلا, نیلگوں

آسمانی آگ, آسمانی باپ, آسمانی بلا, آسمانی تیر, آسمانی رنگ, آسمانی زبان, آسمانی کتاب, آسمانی گرد, آسمانی گولا

Heavenlycelestial; from heavendivine; sky-colouredazurecerulean; unexpectedsuddenCelestialheavenly divineunexpected

خاک ہوجائے گی زمیں اک دن
آسمانوں کی آسمانی میں
کرن پھل چان جو بھر تارے موتی سوسنبل تارے
جو چاند آسمانی رنگ چزیاں سوگندن برن والاں کے
عنایت کیا آسمانی مجھے
بچن کی دیا درفشانی مجھے
لری جو آنکھ اوس خورشید روے تو مجھے انشا
ہوئی اک آسمانی آگ سی محسوس شیشہ میں
شہیدی کشتہ ہوں ان صاحبوں کی قدردانی کا
سمجھتے ہیں کتاب آسمانی میرے دیواں کو
بتوں آفات ارضی ہو بلاے آسمانی ہو
خد اکا قہر بے حد ہو عذاب ناگہانی ہو
جان کی خیر ہے نہ مال کی خیر
عشق آفات آسمانی ہے
برنگ اصل کب پر تو اٹھانے سے ہوا کوئی
دلیل اس پر یہی ہے آب کا رنگ آسمانی ہے
مکمل کیوں نہ ہو دورہ بروج آسمانی کا
ازل سے مہر ہے بارہ اماموں کا تولائی
دیکھ جانے دے پہن مت آسمانی چوڑیاں
بالۂ مہ پر ستم ڈھائیگی خانی چوڑیاں