دورہ کے معنی

 یوں نہیں رہنے کے گردش میں ہمیشہ میرو ماہ ختم اک دن دورۂ شمس و قمر ہو جائیگا (١٨٣٢ء، دیوانِ رند، ٣:١)

"گرد گبند کے ایک احاطہ دورے میں ایک فرسخ کے تعمیر کیا۔" (١٨٩٦ء، طلسم ہوش ربا، ٤٤٦)

"خون کا دورہ اپنی نیچرل حالت پر درست ہونے لگتا ہے۔" (١٩٢١ء، لڑائی کا گھر، ٥٠)

"انجن کو ٹھنڈا رکھنے کے لیے پانی کے دورہ کا معقول بندوبست کیا گیا ہے۔" (١٩٤٩ء، موٹر انجنیر، ٧١)

"١٩٠٤ء میں فالج کا دوسرا دورہ ہوا کہ جس نے تندرستی ہمیشہ کے لیے تباہ کر دی۔" (١٩١٥ء، مضامین چکبست، ٢٤٢)

"ایک بار الہ آباد میں عین چیت مہینے میں پلیگ کا دورہ ہوا۔" (١٩٣٦ء، پریم چند، پریم بتیسی، ١٦٦:٣)

"اس تبدیلی کے بعد ایک نیا دورہ شروع ہوتا ہے۔" (١٩٢٣ء، عصائے پیری، ١٦٤)

"فناء انسانیت ہو کر بہیمیت کا دورہ تھا۔" (١٩٢٩ء، آمنہ کا لال، ٤٢)

 اللہ اللہ دورۂ امن و اماں یہ جہانِ تر کمانِ شادماں (١٩٦٢ء، ہفت کشور، ٢٠)

"مرزا کو ملکۂ شاعری کے لحاظ سے اکبری دورے کے تمام شاعروں پر ترجیح دیں۔" (١٨٩٧ء، یادگارِ غالب، ٤٣٤)

"اس سے قبل جب محسنہ نے علاقے کا دورہ کیا تو لوگوں کے ایک ہجوم نے انہیں گھیر کر تندو تیز سوالات کیے۔" (١٩٨٧ء، جنگ، کراچی، یکم جون، ١)

"بی بی . سے چھٹکارا حاصل کرنا چاہتا تھا کہ اس قسم کی قید و بند سے آزاد ہو کر اطمینان سے ملک کا دورہ کروں اور عوام کو فیض پہنچاؤں۔" (١٩٣٥ء، ادودھ پنچ، لکھنؤ، ٢٠، ٣:٦)

"وہ ہر نئے دورے کے لیے تقریباً تیار رہتا۔" (١٩٨٢ء، باگھ، ٢٦)

"بیچ میں خواجہ اور گرد گھوڑا دوڑ رہا ہے خواجہ چاہتے ہیں کہ اس کے دورے سے نکلوں مگر نکل نہیں سکتے۔" (١٩٠٠ء، طلسم خیال سکندری، ٤٣٩:٢)

"برقی دورہ میں لگے ہوئے ایک گلون پیما، نے یہ ظاہر کیا کہ جب تک تانبے کا پہیہ گھومتا رہا برقی رو مسلسل پیدا ہوتی رہی۔" (١٨٦٨ء، فتوحاتِ سائنس، ٥٨)

"رمضان میں پورے قرآن کا دورہ کرتے تھے۔" (١٩١٤ء، سیرۃ النبیۖ، ٢٥٢:٢)

 شاہد ہے عام جلوہ گری مہرو ماہ کی دورہ بھی ہے گواہ سپہر کبود کا (١٨٩٧ء، کلیات راقم، ٤)

"یہاں تو دورہ شراب شروع ہوا۔" (١٩٠٠ء، طلسم خیال سکندری، ٣٩:٢)

"متوسط تعلیم (اعلٰی ثانوی) کی مدت بھی چھ سال ہے یہ تین ادوار پر مشتمل ہے یعنی دورہ اول۔" (١٩٦٧ء، اردو دائرہ معارف اسلامیہ، ٦٦٦:٣)