ضد کے معنی

ضد کے معنی ، تشریح، مترادف اور تفصیل

{ ضِد }

تفصیلات

iعربی زبان میں ثلاثی مجرد کے باب سے مشتق اسم ہے۔ اردو میں بھی اسم مستعمل ہے۔ ١٦٣٥ء کو "سب رس" میں مستعمل ملتا ہے۔, m["اکھڑ پن","سینہ زوری","غالب آنا","مخالف یا برعکس چیز","مخالفت سے","ہٹ دھرمی"]

ضدد ضِد

اسم

اسم کیفیت ( مؤنث - واحد )

اقسام اسم

  • جمع : ضِدیں[ضِدیں (یائے مجہول)]
  • جمع استثنائی : اِضْداد[اِض + داد]
  • جمع غیر ندائی : ضِدوں[ضِددوں (واؤ مجہول)]

ضد کے معنی

١ - دشمن، کینہ، مخالفت، بیر۔

 آکے وعدہ پہ مرے گھر سے وہ پھر جاتے ہیں کیا ہی تقدیر کو ضد ہے مری تدبیر کے ساتھ (١٩٣٢ء، بے نظیر شاہ، کلام بے نظیر، ١٥٥)

٢ - ہٹ، اصرار، اڑ، ہٹ دھرمی۔

"انہوں نے بڑے اصرار کے ساتھ مجھ سے کہا کہ ضد چھوڑ دو، اس معمولی بات پرمعاملات کو بگڑنے نہ دو۔" (١٩٨٢ء، آتش چنار، ٥١٤)

٣ - انانیت، غصہ۔

"اور اسی کے ساتھ اس کی غصیلی اور پر ضد طبیعت کے لحاظ سے کسی واجبی سی واجبی بات کو جو اسی کی اپنی اکیلی مرضی کے برخلاف ہو آزادنہ اس کے سامنے پیش کرنے کی بہت کم جرأت کرتے ہوں۔" (١٩١٧ء، وقارالملک، تذکرہ وقار، ١٥٠)

٤ - وہ شے جو مد مقابل شے کے ساتھ جمع نہ ہو سکے، متضاد یا برعکس (چیز یا بات)۔

 خدائی میں بے مثل و ضد ہے وہی ولم یولد اور لم یلد ہے وہی (١٨٣٤ء، مثنوی ناسخ، ٢٦)

٥ - [ تصوف ] ضد شئے عین شئے ہے باوجود ضدیت کے جیسے آب و آتش ہے، ان میں باہم ضدیت ہے لیکن باطن میں ایک دوسرے کا عین ہے۔ کیونکہ آپ مربوب اسم قابض ہے، پس آب محی اور آتش قابض ہے اور محی اور قابض دونوں اسماء اللہ میں سے ہیں اور اسم اللہ جامع ہے جمیع اسماء کا اور اسم اللہ میں صفت اور تاثیر محی اور قابض دونوں کی موجود ہے۔ (مصباح التعرف، 163)

ضد کے مترادف

اصرار, عکس, کفر, مخالفت, مخالف, تکرار, متقابل, متناقض, آن[1], ہٹ

آڑ, اصرار, بیر, پھپّٹ, تکرار, جھگڑا, خصومت, دشمنی, ضَدَّ, عداوت, عناد, لاگ, متضاد, مخاصمت, مخالفت, معاندت, ٹر, کد, کینہ, ہٹ

ضد کے جملے اور مرکبات

ضد اجسام, ضد آوری, ضد بیضوی, ضد پر, ضد جراثیمی, ضد حیات, ضد حیوی, ضد سم, ضد صنوبری, ضد عقدہ, ضد قلبی

ضد english meaning

The contrary (of)the opposite (of); contrariety; persistenceinsistenceobstinacyas:contrarietycontrationconverse-icimportunitylikeoppositeopposite (of) ; contrary tooppositionpersistant ; solicitationpersistentresemblingreversestubbornnessthe contrary (to)the opposite (of)

شاعری

  • جانے اس ضد کا نتیجہ کیا ہو
    مانتا دل بھی نہیں‘ تُو بھی نہیں
  • ضد کی ہے اور بات مگر خُو بُری نہیں
    بھولے سے اُس نے سینکڑوں وعدے وفا کئے
  • ضد منیر کیوں بنئے حال کے زمانے کی
    اور اک زمانے کے موسموں کی حسرت میں
  • ضد دلاتا ہے عبث آنکھیں چُھپا کر مجھ کو یار
    سوزِ دل سے جسمِ خاکی توتیا ہوجائے گا
  • ضد تھی اُٹھّو مجھ کو بانہوں میں لو رقص کرو
    روٹھ گئی شب مجھ دیوانے سے بے بات ہَوا
  • جگنو کو دن کے وقت پرکھنے کی ضد کریں
    بچے ہمارے عہد کے چالاک ہوگئے
  • ضد نہ کر اے مرے دل کون تجھے پوچھے گا
    اس کے کوچے میں تو میلہ سا بھرا لگتا ہے
  • عشق کا ہے یہ تقاضہ کہ ملے دل کی مُراد
    حسن کو ضد ہے یونہی میرا طلب گار رہے
  • وہ تو کچھ ہواؤں کو ضد سی ہوگئی‘ ورنہ
    انجمن سے بھاری تھا‘ اک چراغ ہی تنہا
  • ضد کی ہے اور بات مگر خو بری نہیں
    بھولے سے اس نے سیکڑوں وعدے وفا کیے

محاورات

  • ضد باندھنا
  • ضد پر
  • ضد پر آنا
  • ضد کرنا
  • ضدا بدی ہونا
  • قرضدار چھاتی پر سوار
  • قرضدار ہر جگہ سے پتھر کھاتا ہے
  • میرے ساتھ ضد ہے
  • کہنے سے ضد سوا ہوتی ہے
  • کہے ‌سے ‌ضد ‌سوا ‌(سوائی) ‌ہوتی ‌ہے

Related Words of "ضد":

اضحی

 تیغ مسلم سے وہ بہتا ہوا کوفے میں لہو دن میں اضحی کے وہ قربانی افواج عدو (١٩١٢ء، شمیم، مرثیہ (ق)، ١٤)

فرض شناسی

"تمام حقوق کا دارو مدار فرض شناسی پر ہے۔" (١٩٨٤ء، طوبٰی، ٩٩)

دستار فضیلت

 حبہ در بر ہوں نہ دستار فضیلت برسر دور کی بھی تو نہیں علم سے نسبت مجھ کو (١٩٨٢ء، ط ظ، ١٥)

قرون حاضر

 قرون اولٰی کے دشمنوں کو ہمارے دادا نے کیسا مارا قرون حاضر کے دشمنوں کو سنا کے یہ داستان ڈرا دو (١٩٨١ء، چراغ اور کنول، ١٦٧)

قرض گیر

"قرض گیر قرض کے بار سے کبھی سبکدوش نہ ہو سکا۔" (١٩٤٠ء، معاشیات ہند، (ترجمہ) ٤٤٢:١)