عمودی کے معنی
عمودی کے معنی ، تشریح، مترادف اور تفصیل
{ عَمُو + دی }
تفصیلات
iعربی زبان سے مشتق اسم |عمود| کے ساتھ |ی| بطور لاحقۂ نسبت لگانے سے |عمودی| بنا۔ اردو میں بطور صفت استعمال ہوتا ہے اور سب سے پہلے ١٨٨٧ء کو "سخندان فارس" میں مستعمل ملتا ہے۔
["عمد "," عَمُود "," عَمُودی"]
اسم
صفت نسبتی ( واحد )
عمودی کے معنی
١ - زاویہ قائمہ بناتا ہوا، سیدھا، انتصابی، ستون کی وضع کا خط مستقیم۔
"جب یہ کتبہ کندہ کر لیا گیا تو اس کے نیچے کی چٹان کو تراش کر بالکل عمودی بنا دیا گیا۔" (١٩٨٦ء، دنیا کا قدیم ترین ادب، ٣٩:١)
٢ - سطح افق سے زاویہ قائمہ بنانے والا، قائم (ہئیت) سمت الراس کا سمتیہ۔
"مرکز عمودی سے ہر راس کا فاصلہ اس عمودی فاصلے کا دو چند ہوتا ہے جو اس راس کے مقابل کے ضلع سے حائط مرکز کا ہے۔" (١٩٣٧ء، علم ہندسۂ نظری، ٢)