پیٹی کے معنی

"کمر میں ایک مرصع پیٹی تھی" (١٩٠٠ء، بست سالہ عہدِ حکومت، ٢٣٦)

"پیٹی ہے جو دوچرخیوں پر چڑھی ہوئی ہے جسے ان چرخیوں پر بڑی تیز رفتاری سے گھمایا جاسکتا ہے" (١٩٧٠ء، جدید طبیعیات، ٦٣)

"چمڑے کی پیٹی اور گردن بھری ہوئی، موٹی، چکنی، ہموار اور ملائم ہو" (١٩٥٠ء، چرم سازی، ١٩٠)

"سطح کی شکل کرہ نما ہے گویا اس کے استوائی حصوں کے گرد مادہ کی ایک زائد تہہ یا پٹی لگی ہوئی ہے" (١٨٩٤ء، علم ہیئت، ١٤٧)

"جیب خرچ کے لیے ایک چھوٹی پیٹی نوٹوں کی نکال کر خزانہ بدستور محفوظ کر دیا گیا" (١٩٣٥ء، |اودھ پنچ| لکھنؤ، ٢٠، ٥:٩)

"بھائی نے ٹین کی پیٹی پر جو مندر میں رکھی ہوئی تھی کافی رکھدی اور چلا آیا" (١٩٢٢ء، غریبوں کا آسرا، ٩٧)

"تم سب کے سب ہلاک ہو جاو گے اور کوئی بھی نہ بچے گا جو آگ لگائے مگر وہ شخص جو صلیب اور پیٹی کی پوجا کرے" (١٩٤١ء، الف لیلہ و لیلہ، ١٠٩:٢)

"کپڑوں کی پیٹیاں منگوائیں اور انہیں کھول کھول کر دیکھا" (١٩٢٩ء، خمارِ عیش، ٣٤)

"پیٹی میں سے سوئی تاگا نکال پھولوں کی ایک لڑی بنا کر گلے میں ڈال لی" (١٩٦٢ء، ساقی، کراچی، جولائی، ٥٠)

"گوٹے کناری کی پیٹی بغل میں داب کر کوئی چھالیہ . فروخت کرنے جاتی اور گھر کا حال دیکھ بھال کر چلی آتی" (١٩٠٥ء، رسومِ دہلی، ٤٤)

"کمپنی والوں نے موٹر کے پُرزے پیٹیوں میں بند کر کے پشاور بھیجے" (١٩٦٧ء، اردو ڈائجسٹ،٧، ١٢٠:١٢)

"ایک آدمی ہارمونیم کی پیٹی اٹھائے خوش خوش گاتا جارہا تھا" (١٩٦٠ء، سیاہ حاشیے، ١٨)

"کھوپڑا ملا کے گوٹا بنایا شیشے اور کاغذ کی پیٹیوں اور کار چوبی بٹووں . میں رکھ کر . آپس میں بٹ رہا ہے" (١٨٨٥ء، بزمِ آخر، ٤٩)

"عرب گینڈے کے سینگ بھی یہاں سے چین لے جاتے تھے اس کی پیٹی بنتی تھی" (١٩٢٩ء، عرب و ہند کے تعلقات، ٧٨)