ڈھالنا کے معنی

"نستعلیق ڈھالنے کا آخری تجربہ ١٩٣٠ء میں برطانوی ہند کی سابق اسلامی ریاست حیدر آباد دکن میں کیا گیا۔" (١٩٨٤ء، تنقید و تفہیم، ٢٠)

 غصہ سے کہنی ہوتی ہے جو بات بزم میں غیروں پہ ڈھال دیتے ہیں تم کو سنا کے ہم (١٩٢٤ء، ثمرہ فصاحت، ١٩٥)

 عطا کرو نقدِ بوسہِ لب کچھ احتیاج درم نہیں ہے جو دل کے گاہک ہو تو حسینو یہ مال سستے پہ ڈھالتے ہیں (١٨٧٨ء، سخنِ بے مثال، ٧٤)

 ساقی مہ لقا نے جب خم سے سبو میں ڈھال دی مجلس مے میں چار سو شور اٹھا درود کا (١٩٢٧ء، شاد عظیم آبادی، میخانہ الہام، ١٧٧)

" "جو" سنسکرت "یو" سے (ی، کو، ج، سے بدل کر) ڈھالا گیا ہے۔" (١٩٧٢ء، اردو قواعد، ٩٤)

"دوسرا . احکامِ شرعیہ کو اپنی خواہش کے موافق ڈھالتا رہتا ہے۔" (١٩٠٧ء، شعرالعجم، ٢٤٨:١)

 بختِ بد دیکھ سارے پرنالے اس کے معمار نے اُدھر ڈھالے (١٨١٠ء، کلیاتِ میر)

 مل کے آنکھوں سے دوا نے تو مرا مرا گھر گھالا سچ کہہ اے دل کہ بھلا میں نے ترا کیا ڈھالا (١٧٣٤ء، حشمت، محمد علی (دو نایاب زمانہ بیاضیں، ٥٦ | ٦))

"شائد یہ ادارہ (اے جی دل آ یعنی حساب دار اعلٰی محاصلِ پاکستان) ہے جو خود کفالت کی بنیاد پر بڑی خاموشی سے قومی زبان کو دفتری زبان میں ڈھالنے میں مصروف ہو۔" (١٩٨٦ء، قومی زبان کے بارے میں چند انٹرویو، ٢٣)

"تمام عشقیہ مضامین امردوں اور سادہ رخوں پر ڈھالے گئے۔" (١٨٨٦ء، حیات سعدی، ٢٣٨)

"ٹیکسال میں جو شخص ١٦٣ گرین خالص چاندی لے جائے . اس کو ٹکسال روپیہ ڈھال کر دے گی۔" (١٩٠٧ء، کرزن نامہ، ٦٤)