گرفت کے معنی

"یوسف کی گرفت ہلکی پڑ گئی تو وہ اس کے قریب گیا اور بہت نرمی سے بولا۔" (١٩٨٣ء، ساتواں چراغ، ٣١)

"قلم کی صحیح گرفت بھی خوشنویس کے لیے ضروری ہے۔" (١٩٦٣ء، صحیفہ خوشنویساں، ٢٠٤)

 جھگڑے پڑے ہیں میری گرفت و نجات کے دوزخ میں اور رحمت پروردگار میں (١٨٩٥ء، دیوان راسخ دہلوی، ٢٠٠)

"صدرالشریعۃ کی یہ ساری تقریر صرف لفظی گرفتوں پر مبنی ہے۔" (١٩٥٦ء، مناظر احسن گیلانی، عبقات (ترجمہ)، ٢٤٨)

"میں اپنی طرف سے کوئی ایسی حرکت نہ کروں گا جس سے گرفت ہو۔" (١٩٢٢ء، گوشۂ عافیت، ٧٠:١)

"اب بھی کبھی کبھی بولنے میں گرفت ہوتی ہے۔" (١٩٢٢ء، گوشۂ عافیت، ٧٠:١)

"مشام بوئے غضب سے دماغ کے کوفے میں جا گھسا اور کان کی گرفت یا کسی وجہ سے میں کاٹھ کا الو ہو گیا۔" (١٩١٥ء، پیاری دنیا، ١٢)

"بچوں کو جلدی سے چھپانے کی کوشش کی گئی کیونکہ اب قانون کی گرفت کا ڈر تھا۔" (١٩١٣ء، سی پارۂ دل، ٢١٢:١)

"اس وقت بھی ان لوگوں پر اس دستورالعمل کی ویسی ہی سخت گرفت قائم رہتی ہے۔" (١٨٨٤ء، مقدمہ تحقیق الجہاد، ١١٥)

"جب انھیں یقین ہو گیا کہ حضور ان کی گرفت سے نکل گئے تو انھوں نے حضور کی گرفتاری کے لیے سو اونٹ انعام میں دینے کا اعلان کیا۔" (١٩٦٢ء، محسن اعظم اور محسنین، ٤٣)

"جب تک مسلمانوں کی سیاسی گرفت برصغیر پر مضبوط رہی اسے ظاہر نہ ہونے دیا۔" (١٩٧٧ء، ہندی اردو تنازع، ٤)

"بسم اللہ کہہ کر پتھر پر زور کیا، گرفت نہ تھی کہ اسے بلند کرتے۔" (١٩٠٨ء، آفتاب شجاعت، ١، ٧٨٥:٥)

"پانی کے اجزا آپس میں اس طرح بے تکلف ہرتے پھرتے ہیں پھر یہ نہ سمجھنا کہ ان میں کچھ گرفت نہیں ہوتی۔" (١٨٨٩ء، مبادی العلوم، ٢٥)

"کاربن کی الیکٹرانی ترتیب کے تحت کاربن کی گرفت (Valency) دو ہے۔" (١٩٨٠ء، غیر نامیاتی کیمیا، ٢١)