آگے کے معنی

"جوق جوق لوگ چلے آ رہے ہیں جو لوگ پیچھے ہیں ان کو قدم آگے بڑھانے کا موقع نہیں ملتا۔" (١٩٠٥ء، حورعین، ١٤٤:٢)

"پشت مبارک پر سوار ہو جاتے تھے کبھی دوش پاک پر بیٹھ گئے کبھی آپ کے آگے سے نکل گئے۔" (١٩٤٠ء، فاطمہ کا لال، ١١)

"ذرا آگے آ کر بات سن لو۔" (١٨٩١ء، امیراللغات، ١٦٠:١)

"گاڑی بان نے بیلوں کے آگے کٹی ڈالی۔" (١٩٣٢ء، بیلہ میں میلہ، ٣٣)

 صدمہ فرقت کے آگے شدت غم کچھ نہیں ہیچ یاد رفتگاں میت کا ماتم کچھ نہیں (١٩٠٢ء، روح رواں، ١٩)

 محبت کے بندھن یہ کچے سے دھاگے بڑا دم بڑا زور رکھتے تھے آگے (١٩٥٨ء، تارپیراہن، ٢٥٧)

 رواں ہیں سبھی ایک منزل کی جانب کوئی ہم سے پیچھے کوئی ہم سے آگے (١٩٥٨ء، تار پیراہن، ٢٥٨)

 میں سجھتا ہوں کہ دشوار ہے صحت لیکن چارہ گر اپنی سی کر آگے ہے قسمت میری (١٩٠٠ء، دیوان تسلیم، نظم دل افروز، ٢٥٩)

"مہری بھی بغدادی قاعدہ اور عم کے سیپارے کے آگے نہیں بڑھی تھی۔" (١٩٥٩ء، محمد علی ردولوی، گناہ کا خوف، ٧٣)

 ہو کیا غم فراق سے حال آگے دیکھیے کچھ آ گیا ابھی سے ہے تاب و تواں میں فرق (١٨٤٩ء، کلیات ظفر، ٥٤:٢)

 دنیا سے اٹھا شیر جری آپ کے آگے بیٹے کو نہ موت آئے کسی باپ کے آگے (١٩١٢ء، شمیم، مرثیہ (قلمی نسخہ)، ٢٣)

 چاہوں تو بھر کے کولی اٹھالوں ابھی تمھیں کیسے ہی بھاری ہو مرے آگے تو پھول ہو (١٨١٠ء، میر، کلیات، ٢٤٧)

"وہ اکیلی اس جھروکے میں جس کا ذکر آگے آ چکا ہے ریل کو دیکھ رہی تھی۔"١٩٤ء، افسانچے، ١٧٩

"کالکا جی کا مندر حضرت سلطان المشائخ کی خانقاہ اور درگاہ سے تین ساڑھے تین میل آگے ہے۔" (١٩٥٧ء، سوانح عمری خواجہ حسن نظامی، ٢٥)

 رہ گیا عرش سے آگے جا کر ہائے عالم مری تنہائی کا (١٨٧٨ء، گلزار داغ، ٤٩)

"سب بیویوں کے آگے مامائیں ٹہل خدمت کو لگی رہتی ہیں۔" (١٩٢٤ء، انشائے بشیر، ٢٨٣)

"ایسا ہی پڑھانا ہے تو قرآن شریف پڑھا دو، نماز سکھا دو، بس اس کے آگے ٹھیک نہیں۔" (١٩٠٨ء، صبح زندگی، ٥٦)

"ایک متفقہ آواز بلند ہوئی اور لوگوں نے تقاضا کیا کہ آگے فرمایئے۔" (١٩٣٢ء، بیلہ میں میلہ، ٢٥)

"اب اسے کہاں تک پڑھا پڑھا کر نوکری کراؤ گی، آدمی کو کچھ آگے کا بھی خیال ہوتا ہے۔" (١٩١٤ء، راج دلاری، ٣)