ارتفاع کے معنی

"مینار مسجد کا ارتفاع اسی گز کا ہے۔" (١٩١١ء، ظہیر، داستان غدر، ٥٥)

"کل بعد ارتفاع آفتاب کے یہ مقدمہ ساتھ اصلاح کے رو دیتا ہے یا ساتھ نزاع کے۔" (١٨٥٥ء، غزوات حیدری (ترجمہ)، ٥١٧)

بعض پہاڑ اس میں اتنے بلند ہیں کہ جن کا ارتفاع قریب ٢٥ میل کے ہے۔ (١٩٢١ء، القمر، ٣٢)

 ہاں اے زبان مرقع قدرت دکھا مجھے اے ذہن ارتفاع ثبوت دکھا مجھے (١٩٢٧ء، شاد، ظہور رحمت، ١١٦)

"اوقاف کی بہبود و ارتفاع کے لیے بھی کوشش فرماتے ہیں۔" (١٩٣٢ء، مشاہدات، ٢٦)

"جب عینین میں تناقض نہیں تو ان کی نقیضوں کا ارتفاع جائز ہوا۔" (١٨٧١ء، مبادی الحکمہ، ٣٣)

"اصطرلاب لے کر پھر ارتفائے شمس دیکھنے دھوپ میں گیا۔" (١٩٠١ء، الف لیلٰی، سرشار، ٣٠٣)

"اگر ارتفاع اسطوانہ کو اس کے قاعدے کے محیط میں ضرب کریں تو حاصل اس کی سطح بیرونی ہو گی۔" (١٨٩٤ء، تسہیل الحساب، ٧٦)

"اس میں تین عناصر خاص طور پر قابل لحاظ ہوتے ہیں : (١) ارتفاع، یعنی مقام صفر سے انحراف۔" (١٩٧٠ء، ادب اور لسانیات، ابواللیث صدیقی، ٢٤٩)