سرخا
{ سُر + خا }
تفصیلات
iفارسی زبان سے ماخوذ اسم |سرخ| کے ساتھ |ا| بطور لاحقۂ صفت لگانے سے بنا۔ اردو میں بطور اسم استعمال ہوتا ہے۔ اردو میں بطور اسم استعمال ہوتا ہے۔ تحریراً ١٩٥٧ء کو "گلشن عشق" میں مستعمل ملتا ہے۔
["سُرْخ "," سُرْخا"]
اسم
اسم نکرہ ( مذکر - واحد )
اقسام اسم
- واحد غیر ندائی : سُرْخ[سُر + خ]
- جمع : سُرْخے[سُر + خے]
- جمع غیر ندائی : سُرْخوں[سُر + خوں (و مجہول)]
سرخا کے معنی
١ - وہ گھوڑا جس کی کھال سفید، مائل بہ سرخی یا زعفرانی ہو نیز اس گھوڑے کا رنگ۔
سرخا ہے ایک رنگ محمودہ جس طرح زعفران ناسودہ (١٨٤١ء، زینت الخیل، ١٢)
٢ - سرخ پروں کا کبوتر یا مرغ۔
"فدوی نے ہزاروں ہی مرغ پال ڈالے اور کیا کیا نہیں پالے، انار . سرخ۔" (١٩٥٤ء، اپنی موج میں، ٢٧)
٣ - [ بٹیر بازی ] ایسا بٹیر جس کے پوٹے کے پروں میں سرخ رنگ کی جھلک ہو، یہ لڑاؤ سمجھا جاتا ہے۔ (اصطلاحات پیشہ وراں، 120:8)
"لباس کے معاملے لاپرواہی بالوں کی طوالت اور بے ترتیبی، پائپ نوشی . کی عادت کو دیکھ کر کالج کے اندر اور باہر بعض لوگ مجھے سرخا کہتے ہیں۔" (١٩٨٠ء، دیوار کے پیچھے، ١٥)
٤ - ایک قسم کا آم جس کا چھلکا سرخ ہوتا ہے۔ (نوراللغات)
٥ - [ مجازا ] اشتراکیت پسند، اشتراکی، سوشلزم کا پیرو، کمیونسٹ، کیونکہ یہ خونی انقلاب کے قائل ہیں۔