مسمط کے معنی
مسمط کے معنی ، تشریح، مترادف اور تفصیل
{ مُسَمْ + مَط }
تفصیلات
iعربی زبان میں ثلاثی مجرد کے باب سے مشتق |اسم| ہے اردو میں بطور |اسم| مستعمل ہے۔ ١٨٦٣ء کو "انشاء بہار بے خزاں" میں مستعمل ملتا ہے۔
["سمط "," تَسْمِیط "," مُسَمَّط"]
اسم
اسم نکرہ ( مؤنث - واحد )
اقسام اسم
- جمع : مُسَمَّطات[مُسَم + مَطات]
- جمع غیر ندائی : مُسَمَّطوں[مُس + مَطوں (و مجہول)]
مسمط کے معنی
١ - لڑی میں پروئے ہوئے موتی۔
"مسمط"ایک عربی لفظ ہے جو لفظ "تسمیط" کا مفعول ہے "تسمیط" کے لغوی معنی ہیں "موتی پرونا"۔" (١٩٨٣ء، اصناف سخن اور شعری ہئیتیں، ٢٢١)
٢ - [ شاعری ] وہ بیت جس میں تین یا چار جگہ ایک قسم کا قافیہ ہو۔ (نور اللغات)
"نظم مسمط الہیئت ہے کہ ہر بند میں آٹھ اشعار ہیں۔" (١٩٩٤ء، نگار، کراچی، جولائی، ٣٥)
٣ - [ عروض ] ایسی نظم جو (کئی) بندوں پر مشتمل ہو خواہ بصورت مربع، مخمس، مسدس، ثمن وغیرہ جس میں ہر ہر بند کے مصرعے سوائے مصرع آخر کے ہم قافیہ ہوں اور تمام بندوں کے آخری مصرعے پہلے بند کے مصرعِ آخر کے تابع ہوں۔ (آئینہ بلاغت، محمد عسکری، 29)