چلتے چلتے کے معنی

تفصیلات

١ - راستہ چلتے ہوئے، چلنے کی حالت میں، راستہ طے کرتے ہوئے۔, m["چلنے کے وقت"]

اسم

متعلق فعل

چلتے چلتے کے معنی

شاعری

• ایک اور دھماکہ ہونے تک
  
  بس ایک دھماکہ ہوتا ہے
  اور جیتے جاگتے انسانوں کے جسم ’’گُتاوا‘‘ بن جاتے ہیں
  ایک ہی پَل میں
  اپنے اپنے خوابوں کے انبار سے بوجھل کتنی آنکھیں
  ریزہ ریزہ ہوجاتی ہیں
  اُن کے دنوں میں آنے والی ساری صبحیں کٹ جاتی ہیں
  ساری شامیں کھو جاتی ہیں
  لاشیں ڈھونڈنے والوں کی چیخوں کو سُن کر یوں لگتا ہے
  انسان کی تقدیر‘ قیامت‘
  جس کو اِک دن آنا تھا وہ آپہنچی ہے
  مرنے والے مرجاتے ہیں
  جیون کے اسٹیج پر اُن کا رول مکمل ہوجاتا ہے
  لیکن اُن کی ایگزٹ پر یہ منظر ختم نہیں ہوتا
  اِک اور ڈرامہ چلتا ہے
  اخباروں کے لوگ پھڑکتی لیڈیں گھڑنے لگ جاتے ہیں
  جِن کے دَم سے اُن کی روزی چلتی ہے اور
  ٹی وی ٹیمیں کیمرے لے کر آجاتی ہیں
  تاکہ وژیول سَج جائے اور
  اعلیٰ افسر
  اپنی اپنی سیٹ سے اُٹھ کر رش کرتے ہیں
  ایسا ناں ہو حاکمِ اعلیٰ
  یا کوئی اُس سے ملتا جُلتا
  اُن سے پہلے آپہنچے
  پھر سب مِل کر اس ’’ہونی‘‘ کے پس منظر پر
  اپنے اپنے شک کی وضاحت کرتے ہیں اور
  حاکمِ اعلیٰ یا کوئی اس سے ملتا جُلتا
  دہشت گردی کی بھرپور مذمّت کرکے
  مرنے والوں کی بیواؤں اور بچّوں کو
  سرکاری امداد کا مژدہ دیتا ہے
  اور چلتے چلتے ہاسپٹل میں
  زخمی ہونے والوں سے کچھ باتیں کرکے جاتا ہے
  حزبِ مخالف کے لیڈر بھی
  اپنے فرمودات کے اندر
  کُرسی والوں کی ناکامی‘ نااہلی اور کم کوشی کا
  خُوب ہی چرچا کرتے ہیں
  گرجا برسا کرتے ہیں
  اگلے دن اور آنے والے چند دنوں تک یہ سب باتیں
  خُوب اُچھالی جاتی ہیں‘ پھر دھیرے دھیرے
  اِن کے بدن پہ گرد سی جمنے لگتی ہے
  اور سب کچھ دُھندلا ہوجاتا ہے
  خاموشی سے اِک سمجھوتہ ہوجاتا ہے
  سب کچھ بُھول کے سونے تک!
  ایک اور دھماکہ ہونے تک!!‌‌‌‌‌‌‌‌‌
• چلتے چلتے دور تک آئے نکل
  پڑگئے تھے آبلے تلووں میں چل
• جو گھر سے نکلے تو یہ قیامت کہ چلتے چلتے قدم قدم پر
  کسی کو ٹھوکر کسی کو چھکڑ، کسی کو گالی، نپٹ لڑاکا
• کبھی چلتے چلتے ٹھٹکتے نہیں
  طریقہ سے اپنے بھٹکتے نہیں