کوچہ کے معنی
کوچہ کے معنی ، تشریح، مترادف اور تفصیل
{ کُو + چَہ }
تفصیلات
iفارسی زبان سے ماخوذ اسم ہے۔ اردو میں بطور اسم استعمال ہوتا ہے۔ ١٧٠٧ء کو "کلیات ولی" میں مستعمل ملتا ہے۔, m["تصغیر کو","تنگ راستہ","تنگ راہ","راہ تنگ","سکڑا راستہ"]
اسم
اسم ظرف مکان ( مذکر - واحد )
اقسام اسم
- واحد غیر ندائی : کُوچے[کُو + چے]
- جمع : کُوچے[کُو + چے]
- جمع غیر ندائی : کُوچوں[کُو + چوں (واؤ مجہول)]
کوچہ کے معنی
١ - گلی، تنگ راستہ، راہ گزر۔
"بہت کم نصیبوں کی زندگی کی شام لاہور امرتسر یا راولپنڈی کے کسی گلی کوچے میں ہو جاتی۔" (١٩٨٢ء، آتش چنار، ٤٩١)
٢ - بستی، محلہ، شعبہ۔
"ادب کے دوش بہ دوش شاہد احمد دہلوی کو فنِ موسیقی پر بھی بہت عبور تھا اور وہ اس کوچے میں بھی سندِ اجتہاد حاصل کر چکے تھے۔" (١٩٨٩ء، قومی زبان، کراچی، مئی، ٥)
کوچہ کے مترادف
گلی, محلہ, رستہ
باڑا, برزن, بگڑ, بکھل, رستہ, گلی, گلیارا, محلہ, ٹولہ, کُنج, کُو
کوچہ کے جملے اور مرکبات
کوچہ بکوچہ, کوچہ بند, کوچۂ سلامت, کوچہ گرد, کوچہ بندی, کوچۂ خموشاں, کوچۂ سربستہ, کوچہ گردی, کوچہ نشین
کوچہ english meaning
alley [P~ ?? koo]lanenarrow street
شاعری
- نہ ہو کیوں غیرت گلزار وہ کوچہ خدا جانے
لہو اُس خاک پر کن کن عزیزوں کا گرا ہوگا - مجروح بدن سنگ سے طفلاں کے نہ ہوتے
کم جاتے ہو اُس کوچہ میں پر ہم تھے دوانے - شش جہت سے اس میں ظالم بوئے خونکی راہ ہے
تیرا کوچہ ہم سے تو کہہ کس کی بسمل گاہ ہے - دوری کوچہ میں اے غیرت فردوس تری
کام گزرا ہے مِرا گریۂ آدم سے بھی - شب اُس کے کوچہ میں جاتا ہوں اس توقع پر
کہ ایک دوست ہے واں خواب پاسباں میری - کچھ آؤ زلف کے کوچہ میں درپیش
مزاج اپنا ادھر اب تو گیا ہے - آنے والا کل
نصف صدی ہونے کو آئی
میرا گھر اور میری بستی
ظُلم کی اندھی آگ میں جل جل راکھ میں ڈھلتے جاتے ہیں
میرے لوگ اور میرے بچّے
خوابوں اور سرابوں کے اِک جال میں اُلجھے
کٹتے‘ مرتے‘ جاتے ہیں
چاروں جانب ایک لہُو کی دَلدل ہے
گلی گلی تعزیر کے پہرے‘ کوچہ کوچہ مقتل ہے
اور یہ دُنیا…!
عالمگیر اُخوّت کی تقدیس کی پہرے دار یہ دنیا
ہم کو جلتے‘ کٹتے‘ مرتے‘
دیکھتی ہے اور چُپ رہتی ہے
زور آور کے ظلم کا سایا پَل پَل لمبا ہوتا ہے
وادی کی ہر شام کا چہرہ خُون میں لتھڑا ہوتا ہے
لیکن یہ جو خونِ شہیداں کی شمعیں ہیں
جب تک ان کی لَویں سلامت!
جب تک اِن کی آگ فروزاں!
درد کی آخری حد پہ بھی یہ دل کو سہارا ہوتا ہے
ہر اک کالی رات کے پیچھے ایک سویرا ہوتا ہے! - کوچہ یار میں جاؤں گا تو مچل خورشید
پاس آداب سے میں سرہی کے بل جاؤں گا - شیخ کعبہ میں کلیسامیں برہمن بیٹھے
ہم تو کوچہ میں ترے مار کے آسن بیٹھے - اس کا کوچہ ہے عجب بھول بھلیاں کہ جہاں
نہ نکلنے کی ملے راہ، نہ در پیدا ہو
محاورات
- تعظیم ہند بر کوچہ تنگ یا برکاسہ بنگ
- زبان بدلنے سے (کوچہ) گھر بدلنا بہتر ہے