قیدی کے معنی

قیدی کے معنی ، تشریح، مترادف اور تفصیل

{ قَے (ی لین) + دی }

تفصیلات

قَید قَیدی

صفت ذاتی ( واحد )

١ - اسیر، محبوس، مقیّد۔

 گھر والوں تک بات نہ پہنچی میری اس بپتا کی ورنہ یہ قیدی قید میں اپنے اتنی بیاکل ہوتی (١٩٧٨ء، ابن انشا، دل وحشی، ١٨٨)

٢ - گرفتار، پکڑا ہوا۔

"بدر کے قیدی جب گرفتار ہو کر آئے اور آپۖ نے ان کے متعلق صحابہ سے مشورہ طلب کیا اور مختلف صاحبوں نے مختلف رائیں پیش کیں۔"١٩٢٣ء، سیرۃ النبی، ٢٨٣:٣

٣ - سزا یافتہ، مجرم۔

 ہو کشتگاں پر جو ہو کر گزار قیامت ہوئی قیدیوں پر دو چار (١٨١٠ء، کلیات میر، ١٢٨)

پابگل, زیر حراست, زندانی

اسیر, بندی, پابجولاں, پابند, گرفتار, مجرم, محبوس, مقید

(fig.) one very close (to)a captivea prisonercaptiveconvict [A]outspoken personprisoner

تیری قربت کے سبھی عکس مرے قیدی تھے
تُونے اے جاں‘ پسِ مژگاں کبھی دیکھا ہی نہ تھا
نہ جانے کیا سمجھ کے چپ ہوں اے صیّاد میں ورنہ
وہ قیدی ہوں‘ اگر چاہوں قفس میں بھی بہار آئے
دل ترے غم کی بارگاہ میں ہے
جیسے قیدی حضورِ شاہ میں ہے
اک حویلی میں چہکتے ہوئے پنچھی کی طرح
تیری آواز ابھی قیدی ہے درباروں میں
قیدی کہاں حبیب خدا کا بسر کہاں
میں آپ میں نہیں مجھے ان کی خبر کہا
ہم قفس زاد قیدی ہیں ورنہ
تا چمن ایک پر فشانی ہے
یہ سن کے وہ کہنے لگا جو کھانا تھا لایا
کس طرح کے مظلوم یہ قیدی ہیں خدایا
وہ قیدی شام کو جاتا ہے دیکھیے کیا ہو
گیا ہے ہم سے تو دامن فشاں امام حسین
نہ چھوٹیں کہیں قیدی زلف تیرے
کہ آزاد ہندوستان ہو رہا ہے
بنا لیا اس نے اپنا قیدی لگا کے عہد وفا کا پھندا
رسن ہے ہاتھوں میں بے بسی کی گلے میں صبر و رضا کا پھندا