گرہ کے معنی

 ہر ایک گرہ کو کھول ڈالا میں نے ہر بند کو توڑا ہے بجز بند اجل (١٩٨٢ء، دست زرفشاں، ١٢٠)

 یوں اس گرہ سے بڑھتے رہیں سال عمر کے جیسے ہوں ایک تخم سے بے انتہا نہال (١٩٤٠ء، بے خود (محمد احمد)، کلیات، ١٥٠)

"جب حیدر آباد لوٹا تو چند ہزار روپے گرہ میں تھے۔" (١٩٨٤ء، گردراہ، ١٠٦)

"گزی: ایک قسم کے موٹے اور مضبوط کپڑے کو کہتے ہیں . اس کا اس "گز" کے ناپ سے کوئی تعلق نہیں ہے جو سولہا گرہ کا ہوتا ہے۔" (١٩٨٨ء، اردو، کراچی، جولائی تا ستمبر، ٧٤)

"اس کے نیچے کی داڑھ کے نیچے ایک گرہ ہوتی ہے اور دانت بے شمار ہوتے ہیں۔" (١٨٧٧ء، عجائب المخلوقات (ترجمہ)، ٥٦٨)

 تو سن تراز میں یہ جو کاوے کا ڈالے نقش سمجھیں کہ بیٹھا مار کے ہے اژدہا گرہ (١٨٥٤ء، ذوق، دیوان، ٤٨٤)

 گھلا ہوں اس قدر جل جل کے ہجر یار میں اے برق گرہ ہے آگ کا مجکو شرارہ میرے آنسو کا (١٨٥٢ء، دیوان برق، ١٠٦)

"اچھے چوب کار کے لیے یہ ضروری ہوتا ہے کہ وہ لکڑی کی قسم اس کی ماہیت اس کے رگ و ریشے اور گرہوں سے واقف ہو۔" (١٩٦٥ء، کاگر، کراچی، جنوری، فروری، ١٨)

"چنانچہ جب لوگ شکار کھیلنے چلے جاتے تو عورتیں قبیلے کی جائے قیام کے نزدیک جڑیں، گرہیں اور ترکاریاں جمع کر لیتیں۔" (١٩٤٠ء، مکالمات سائنس، ٢٤١)

"ان کی اکثر انواع کے جسم میں ایک گرہ ہوتی ہے جس ایک بدبودار مادہ خارج ہوتا ہے۔" (١٩٣٢ء، عالم حیوانی، ٥٤٥)

"جب اوس نے آگ دی پارہ تو اوڑ گیا چاندی ڈھل کر گرہ ہو گئی۔" (١٨٦٩ء، جوہر عقل، ٥٩)

"بادشاہ کا برا حال تھا، غصے سے چہرہ تمتمایا ہوا، ابروؤں میں گرہ، زبان پر گالیاں، دل و دماغ اس کے قابو میں تھے ہی نہیں۔" (١٩٧٨ء، روشنی، ٩٣)

 وطن نو پہ مسلط ہیں یہ افراد ایسے مصرع تازہ کی ہو جیسے کہ پامال گرہ (١٩٥٥ء، ضمیر خامہ، ٢٩٥)

 غل تھا کہ وہ چمکتی ہوئی برق یہ گری برچھی سے اڑ گئی ہو سناں پہ گرہ گری (١٨٧٤ء، انیس (نوراللغات)۔)

 تڑپ کر دم نکل جائے مگر کھلنا نہیں ممکن تری دل کی گرہ ٹانکا ہے میرے زخم پنہاں کا (١٨٧٢ء، مرآۃ الغیب، ٤٤)

 گفتگو یہ سر جھکا کر شرمگیں انداز سے یہ گرہ ہر لفظ میں رکتی ہوئی آواز سے (١٩٢٥ء، نقش و نگار، ٣٣)

"وہ گرہیں جو شروح و حواشی . میں پیدا کر دی تھیں۔" (١٩٦٠ء، گل کدہ، رئیس احمد جعفری، ١٦٦)

"طاقت آزمائی کے بعد دانوں پیچ شروع ہوئے اور اک دستی، دوستی . گرہ۔" (١٩٤٣ء، دلی کی چند عجیب ہستیاں، ٥٨)

"تال کے دس پران یعنی اصطلاحیں مقرر کی ہیں، اول کال دوم مارگ . پنجم گرہ . دہم پرستار۔" (١٩٢٧ء، نغمات الہند، ٨٤)

"جب کسی گرہ کی جذبی کیفیت بہت شدید ہوتی ہے تو اس سے شعور پر جو عمل ہوتا ہے وہ اسی لحاظ سے بہت شدید ہو جاتا ہے۔" (١٩٤٥ء، نفسیات جنوں، ٤٦)