خول کے معنی

"ان جانوروں کا جسم کیلشیم سے بنے ہوئے ایک سخت خول میں محصور ہوتا ہے۔" (١٩٨٥ء، حیاتیات، ١١٥)

"بادشاہ نے احمد قلی خاں کے پاس ایک تعویذ بھیجا اور کہوایا کہ اس پر لوہے کا خول منڈھوا لو اور اپنی بانھ پر باندھ لو۔" (١٩٢٥ء، غدر کی صبح و شام، ١٥٩)

 تیشہ کام اپنا کر رہا ہے دیکھو تصور کا خول اتر رہا ہے دیکھو (١٩٤٧ء، سنبل و سلاسل، ٢٨٧)

"تم میں سے ہر شخص گھونگے کا ایسا خول لائے جس میں سے دھاگہ گزرا ہوا ہو۔" (١٩٨٣ء، صنعت وحرفت، ١٣٥)

 خول، گھر یا ڈبیا جو کچھ نام تم چاہو رکھو کھولتا ہے سانس لینے کے لیے وہ بیشتر (١٩١٦ء، سائنس و فلسفہ، ٣٤)

"ایک مینار کے ٣/٤ حصہ پر سونے کا خول لگا ہے۔" (١٩١٢ء، روزنامچہ سیاحت، ١٠٧:١)

"ساحل بحر کے بعض پہاڑوں میں سو فیٹ سے ہزار فیٹ کی بلندی تک ہمیں بحری جانوروں کے خول تہہ بہ تہہ جمے ہوئے ملتے ہیں۔" (١٩٣٤ء، جغرافیہ عالم، ٦٧:١)

"جہازوں کے پیندے اس کے خول اور مشینری کی مرمت کا کام۔" (١٩٦٥ء، کاریگر، ٧/٣۔ ١٣:٨)

"بیت اللہ شریف کی تلے اوپر دو چھتیں ہیں دونوں متصل اور ملی ہوئی نہیں بلکہ بیچ میں وسیع خول ہے۔" (١٩٠٦ء، الحقوق و الفرائض، ٢٠٣:١)

"جلاٹین کا خول چڑھا کر کونین کی کڑواہٹ کو دبا دیا جاتا ہے۔" (١٩٠٠ء، لیکچروں کا مجموعہ، ٣٨٩:٢)

"سومنگ کے بعد ہم لوگ ایک قہوہ خانے میں خول کھانے جا رہے ہیں۔" (١٩٨٣ء، خانہ بدوش، ٢٨١)

"موٹی قسم کا بنایا ہوا کاغذ جو بعض قسم کی آتش بازی کا خول بنانے کے لیے تیار کیا گیا ہو۔" (١٩٤٤ء، اصطلاحات پیشہ وراں، ٧٧:٨)

"دونوں خول کیلوں سے پیوست کئے گئے تھے جو گولیوں کا کام دیتے تھے . کیونکہ آتش گیر مادہ سے دونوں خول ٹکڑے ٹکڑے ہو جاتے تھے۔" (١٩١٤ء، مرقع بلجیم، ١٠٧)

"مشرقی پاکستان کے عوامی کانوں کے ساتھ خول بجایا جاتا ہے۔" (١٩٦١ء، ہماری موسیقی، ١١٠)

"یہ بے رخی دراصل ان کا اوپری خول ہے۔" (١٩٨٣ء، نایاب ہیں ہم، ٨٥)

"وہ اپنے خول میں رہ کر سب کچھ دیکھتے اور سنتے اور کبھی کبھی خول سے گردن باہر نکال کر دنیا کے کاموں میں بھی شریک ہو جاتے۔" (١٩٨٤ء، کیا قافلہ جاتا ہے، ١٩٨)

"کڑے کے خول کھولنے کا کھٹکا سوئی کی طرح نوک دار تھا۔" (١٩٢٤ء، خونی راز، ١٨٠)